2019-12-16, 週一

【拒飲「無毒奶」】毒販母吸毒再喂奶 滿月女嬰飲母乳染毒癮

吸毒對人體影響深遠,仲要吸毒後喂囡囡飲奶,令初生BB細細個就染上毒癮,實係令人痛心!內地黑龍江省一名劉姓女子因販毒遭逮,上庭時仲抱著啱啱滿月嘅女兒,員警見女嬰餓到喊,所以去買奶粉沖畀BB飲,未料女嬰雖然餓,但偏偏一啖奶都唔願飲,警員諗極都唔明,劉女先坦承,以前因為吸毒後餵奶,所以囡囡可能「已經成癮」。

20171211 8139 B01

40歲嘅劉女7年前染上毒癮後,吸毒開銷龐大,因此踏上販毒不歸路,藉此賺取買毒嘅錢,期間同另一名男毒販發生關係,意外懷孕生下女嬰。但劉女懷孕期間持續吸毒,除咗係分娩時暫時戒過2日毒,產後又掂返毒品,仲經常係哺乳前吸毒,未料呢個行為,竟然令女嬰疑似染上毒癮!劉女透露,女嬰係佢無吸毒時喂奶,會撇開頭唔飲,一定要係吸毒哺乳先飲奶。目前啱啱滿月嘅女嬰只飲摻毒嘅奶,就算沒吸毒哺乳,女嬰都會拒飲!

 
警方描述,女嬰外表較同齡嬰兒來得瘦弱,睇落亦非當無精神,雖然目前尚未確實女嬰係唔係真係染毒癮,但對於呢位媽媽荒唐嘅行為,好多網民都感多到非常忿怒,紛紛留言指責呢名媽媽:「妳根本唔應該生小朋友,妳根本不識做媽媽」、「講得好像女兒害佢得吸毒」、「吸毒害了自己,還害了孩子」。目前案件仍調查中。

 

圖片及資料來源:百度、新晚報