角膜矯視術（Orthokeratology），簡稱Ortho-k、OK鏡。OK鏡是一種由超高透氧性嘅硬質材料製成嘅隱形眼鏡。小朋友臨瞓前戴上OK鏡，在睡眠8至10個小時內，非手術性矯正視力療程配戴高透氧硬性隱形眼鏡片將角膜弧度改變，暫時減低近視和散光，同時減緩近視加深的速度。

角膜矯視鏡配戴者，日間毋須配戴眼鏡，它亦可以替代白天的隱形眼鏡和屈光手術。

矯形成功因素——專業驗眼配鏡

首先，需要有個有經驗的眼科視光師與小朋友眼睛進行一個詳細檢查，從而度身訂造一副角膜矯視鏡配戴。

其次，配戴角膜矯視鏡需要戴一至兩個月先會有成效，所以小朋友需要定期由眼科視光師檢查，了解小朋友眼睛健康理不理想、鏡片同眼睛配不配合、控制近視成果達不達標準。

最重要是定期清潔護理鏡片。家長同小朋友每日都要洗鏡片，確保鏡片乾淨，可減低小朋友戴鏡不舒服，或者感染機會，確保眼睛健康。

清潔及護理OK鏡片5步驟

第1步——揉搓清洗：每日摘鏡後。

第2步——沖洗：洗完鏡用鹽水沖乾淨。

第3步——消毒保存： 將護理液倒入隱形眼鏡盒，至少浸 4 個小時就有足夠消毒功能，晚上就可以戴鏡片。

第4步——潤滑：戴鏡前、摘鏡前使用潤滑液/人工淚水
。

第5步——蛋白清潔： 鏡盒內有半滿多功能護理液並添加1-2滴酵素蛋白清潔液，兩種液體搖晃均勻；將鏡片浸泡鏡盒內4小時；取出後眼鏡與眼鏡盒擦乾淨；然後浸泡4小時以上方可配戴。

只要遵循正確的使用方法及定期清洗，就能讓鏡片如新，避免大部分的感染後遺症。

角膜塑型片清潔貼士

．清潔前都要用肥皂把雙手洗乾淨。

．必須使用硬式隱形眼鏡專用清潔品才夠正確。

．吸盤 (吸棒) 和鏡盒也要定期清潔，保持乾燥，避免沾染灰塵。

．自來水是最大感染源，不要貪快用它來沖鏡片。

牢記：「天天清潔、天天浸泡、配戴前舒潤、週週去蛋白」。