2019-10-20, 週日

【專唱反調】仔女唔聽話四大原因

仔女日漸長大,開始會變得有主見,同時會開始有自己嘅朋友仔,有咩小秘密第一時間嘅傾訴對象都已經由父成變成朋友,漸漸變得不聽話,有時候仲會同你唱反調。

 20161231 5681 a1

圖片:網絡

1.獲取關注

仔女大個咗,會發現自己可以做更多嘅事情,因此孩子會想其他人能夠注視到佢地嘅能力,所以會做出各種唔同動作去吸引父母或者大人注意。而小朋友係嘗試過唔同方法之後,會發現到同父母對立先能夠獲得更長嘅關注時間。所以會開始作出不同嘅反抗,係父母或大人面前表達自己嘅能力而獲取關注。

2.缺乏交流

係成長嘅過程當中,小朋友同父母交流不足往往就係令到孩子唔聽話嘅原因。仔女會成長,學到嘅知識會愈來愈多,獨立性愈來愈強,而因同父母交流不足情況下,父母會一直用一個高高在上姿態去命令仔女做事,亦未意識得到仔女其實已經日漸長大。咁嘅只會形成惡性循環,令仔女抗拒同唔服從表現出現,變得愈來愈唔聽話。

3.反抗意味著獨立

仔女日漸長大會想擺脫對父母依賴,更會變得比較自我,所以對於父母說話,甚至對父母安排都會作一種唔需理由反抗。

咁係因為仔女開始有自己思想,是一種要求獨立表現之一。

4.遇到挫折

不論係學校定係屋企受到挫折之後,仔女都會產生一種不良心理反應,慢慢變得唔聽意見同勸導,做咩事都會變得一意孤行,堅持己見。有d小朋友甚至會不願意改正,明知故犯。

所以想仔女聽話就一定要保持良好溝通,多正面支持同鼓勵,令仔女知道唔一定要唱反調先可以得到注意,同時仔女愈大愈需要私隱,所以唔好將呢d行為當作係唔聽話!

圖片:網絡