【新手媽媽】五個餵奶最驚發生嘅事

唔可以即時覆短訊
生B前手機不離手，秒覆無難度，湊B後，一手抱B，一手揸奶樽，無手打字，人間蒸發咁，往往兩個鐘餵完奶奶再執拾下之後先再出現覆短訊。

突然要搔癢
當餵到阿B就嚟瞓嘅時候，無啦啦背脊痕，真係好難忍，又唔捨放低阿B會嘈醒佢，前功盡廢。

小昆蟲的騷擾
雖然屋企已經好衛生，但總係有不明來歷既小昆蟲出現，試過有次飛左埋嚟餵緊既奶樽附近，真係不速之客啊！

肚痛難忍
阿B爆喊與自己突然肚痛要去廁所，你會點揀？去廁所先定安撫阿B先呢？

嗑眼訓
每隔三小時左右就要餵奶，可以好好地咁訓個好覺已經好難，餵奶時真係好難唔嗑眼訓架，最怕係驚佢啃親都應付唔切，而且聽身邊人講眼瞓手鬆令阿B碌咗落地。

以上種種情況都係做咗人媽媽，親力親為咁湊B餵奶先體會到嘅事，一日有咁多餐奶要餵，你又最怕餵奶時遇到咩情況呢？

作者：Teresa mama

一年內結婚生b完成人生大project，但驚覺才是人生新開始的在職媽媽