【不堪回首】你都一定經歷過嘅湊仔污糟時刻

污糟時刻之聞屁股

BB屁股要時刻保持乾淨清爽，不過尤其是冬天，BB著嘅衫褲都比較多！吓吓除褲Check實在太麻煩，靠嘅就係我地靈敏嘅臭哥，貼住佢地個小屁股，用力一索，有冇痾到即刻就知。

污糟時刻之嘔吐物

作為一個稱職嘅BB，招牌動作一定係嘔奶！除咗運氣話嚟就嚟之外，嘔奶都係話嚟就嚟；好彩嘅附近有塊毛巾都可以頂得住，附近乜都無加上反射神經驅使下，用手接或者自己主動獻身相信大家都試唔少。

污糟時刻之眼淚鼻涕

BB仔喊係家常便飯，要左氹右氹先收聲。到佢終於唔喊啦，都搞到自己滿頭大汗！呢個Moment你好自然咁用衫袖抹一抹額頭，果種黐立立嘅感覺你先醒起自己唔覺意用自己件衫幫佢抹過眼淚鼻涕。

污糟時刻之睇屎

諸葛亮夜觀星像有幾巴閉，現代媽咪絕對唔會輸比佢！屎唔單止係一舊屎，更加係反應BB健康嘅照妖鏡，味道大小數量顏色通通都係重要資訊，再誇張嘅會睇埋軟定硬，問你死未？

圖片：網絡