珍寶豬
含有該標籤的所有文章
-
我又點會知呢，我對眼跟住我個人㗎嘛。我：「你係咪睇醫生呀？麻煩你身分證呀。」佢：「我頭先登記過啦。」我：「你喺度登記咗？頭先？我哋睇晒登記咗嘅症啦喎…佢嘆咗啖氣：「唔係你呢度呀，醫院呀，我咪話咗我喺醫院過嚟囉，你白痴㗎咩。」哦～原來你第一句已經包含咗咁多意思。我：「你喺醫院登記咗唔關我哋診所事㗎，我哋都要同你登記過㗎。」佢：「醫院同診所唔係互通㗎咩？我喺...5 year ago -
雞爸一言驚醒洛克人：「上次嗰隻兔仔喺度嗰時，雞仔都未返嚟，雞仔應該係生平第一次見兔仔咋。」 咦，又好似係喎，唔怪得雞仔個反應咁大啦。兔仔喺籠入面，雞仔一見佢哋郁就會發出怪叫嘅聲。兔仔出嚟放風，雞仔就化身牧羊狗咁趕返兩隻兔仔入籠。嗰兩隻兔仔完全唔驚貓狗，自己會走埋去撩啲貓狗痴身痴勢咁，雞仔見到咁真係眼火都爆，fee到聲都沙。 我有同雞仔講：「你乖啦，兔...5 year ago
-
我問佢哋：「係咪有咩事呀？」其中一個病人同我講：「你自己出嚟聞吓呀」於是我行出去～一出到去就聞到陣煙味…我再行出去診所門外，正正見到幾位先生挨住診所玻璃喺度食煙。佢哋望望我就唔理我，繼續食煙。我開口：「唔好意思呀幾位，你哋介唔介意唔好挨住喺度食煙呀？」A先生起晒鋼：「有咩問題呀？塊玻璃你㗎？」佢邊講邊敲玻璃。幾歲人呀？要唔要話俾老師知呀？我：「冇錯呀，診...5 year ago
-
過往每年嘅六至八月都會有一隻大蟑螂入屋，大版蟑螂嘅真係每年得一隻嘅啫，有人同我講過『可能係屋企人祖先化身大蟑螂嚟見你探你呀』。我啋！變隻靚啲嘅昆蟲得唔得呀？大版蟑螂我真係頂唔順呀。我好記得有晚我已經上咗床熄晒燈攬住頭頭準備瞓，突然聽到窗台有『沙沙沙沙』聲，我即刻拎起電話開電筒燈望望聲音嘅源頭，我生平中最驚嘅嘢就咁出現咗喺我眼前，我立即彈起身，一心諗住我班...5 year ago
-
佢嘅咳聲非常響亮，即使醫生俾幾多咳水佢，照過幾多次肺，一直都搵唔到咳嘅原因…聽同事講，佢已經咳咗幾年。初初我見佢咁咳法，會覺得佢好慘好可憐，但係久而久之，我開始不再帶有一絲同情憐憫之心… 坐喺度同樣等睇醫生嘅父子，仔仔每次一聽到咳聲就會立即掩鼻。 熟客留意到仔仔有咁嘅反應，於是同仔仔講：「你有冇家教㗎？當住人面掩口掩鼻做咩呀你？你有冇禮貌㗎？」 爸...5 year ago
-
佢行埋嚟登記處：「你哋啲流感針用邊間公司呀？」我：「XXX呀（英文名）」佢：「講中文啦，蝦我唔識聽英文呀？」我：「XXX呀（中文名）」佢：「未聽過喎，聽都未聽過囉。」咁你見識少又唔駛咁大聲話我知嘅～我：「上網搵到㗎，要唔要我寫低個名俾你？」佢：「我上次打嗰枝係咩公司呀？」我：「你俾一俾你身分證號碼我呀，我幫你睇睇。」佢：「XXXXXXX」我睇睇電腦紀錄：...5 year ago
-
泰國嘅動物CAFÉ有啲直程係動物園咁款，佢哋嘅動物種類已經唔係貓狗咁簡單，即係你喺香港根本唔會養到嘅，我亦唔知嗰啲叫咩名…有次我都對日本嘅一間刺蝟CAFÉ好心動，因為我以前養過刺蝟，喺佢哋去晒彩虹橋之後，我有時上網見到差唔多樣嘅刺蝟，就會特別掛住佢哋。 嗰次我雖然心動過，諗過去，但最後我都係冇去到。 因為自己養過刺蝟都會知道佢哋係夜晚先活躍嘅動物...5 year ago
-
我望住佢手拎住嘅藥：「先生，我哋唔會幫你睇唔係我哋醫生處方嘅藥㗎～如果你有咩問題，可以同你登記入房見醫生。」佢：「吓？問少少嘢都唔答㗎？」係呀，好奇呀！你路過咋喎，我又唔係本十萬個為什麼～我：「因為藥呢啲唔係我哋應該答嘅問題」佢：「咁我問吓有冇效，係唔係隻藥得唔得呀？我覺得佢冇咩效呀。」我：「不如你俾身分證明文件我，我同你登記，你入去問醫生啦。」佢：「唔...5 year ago
-
我問雞爸：「你冇洗乾淨隻腳呀？阿雞係咁索嘅？」雞爸望望阿雞：「洗咗啦喎。」我哋一齊望住波波雞究竟想搞邊科，雞聞吓又聞吓，佢突然擘大口咬住被下雞爸嘅腳趾…我：「佢咬你腳趾喎。」雞爸：「由佢啦，反正唔痛。」雞爸繼續睇電視，我就繼續望住波波雞。雞一路咬，一路身體有啲郁動，初初我以為佢係嘗試緊移啱個位，等自己咬得舒服啲。點知望望吓好似有啲唔對路，雞嘅身體擺動幅度...5 year ago
-
睇返以前嘅相，諗返以前佢一定要痴住人捉住人先肯瞓，食嘢狼死到不得了嗰個樣，同而家嘅佢相比起，真係充份證明有家嘅小朋友就係幸福同任性。而家嘅佢已經唔會再次次清碗，亦唔會痴住我先瞓到。咁樣都應該係因為佢已經有足夠嘅安全感～佢知道俾佢日咬夜咬嘅肥婆唔會俾佢餓親之餘，更加係唔會掉佢出街。 早幾日有人問我『雞雞算唔算生命力好強勁？』，我諗都唔駛諗，梗係算啦！我自...5 year ago
-
對方係一位先生：「我要投訴呀！」 我：「請問先生要投訴啲咩呢？」 佢：「我要投訴你啲姑娘好差呀！」 啊？即係你要我自己處理返自己啲投訴咁呀？好呀，左耳入右耳出啊。 我：「請問係咩事呢？」 佢：「有個死肥婆姑娘呀！」 係我，應該係我。 我：「嗯，繼續呀」 佢：「佢喺度登記嗰時喺我面前食嘢囉，喺我面前扒飯呀！」 印象中…我冇做過啲咁嘅...5 year ago
-
之但係今次又好似有少少因禍得福嘅感覺啊！事源就係之前批新罐頭可能因為主打吞拿魚嘅關係，我再俾返之前波波雞唔肯食嗰隻泌尿處方罐佢食時，佢竟然清碗！咁咪好囉大少爺，肯食處方罐，排出晶石終於有望啦！ 而家波波雞飲食大方向都係向多水份埋手，不過我已經冇再灌佢水啦，因為之前睇到有人話『灌水係好傷感情』，咁將心比己的話，又真係好有道理。始終動物都係有情感有喜...5 year ago
-
我：「係咪睇醫生？係嘅話你俾身份證我登記呀。」佢：「你可唔可以打俾我老公，同佢講我有咗呀？」小姐，經手人唔係我啊，點解要我打去同你老公講？我：「Er……點解呢？點解你唔自己講呢？」佢：「你係姑娘嘛！你講佢先信㗎！」我：「我哋可以寫張證明你有懷孕嘅信，不過首先要你喺度驗咗孕先。」佢：「……其實我未有，我準備會有。」即係你頭先呃我呀？我：「嗯，咁你...5 year ago
-
我錯了。我真係做得好錯～ 呢個星期，波波雞嘅大便成為咗一PATPAT爛嘅…睇住佢個肚痛到成隻貓都縮埋一舊，我個心好痛。原來問題係出自我身上… 事緣我獲得一批新主食罐頭，我好開心可以減輕吓我呢方面嘅負擔。點知，食食吓覺得有啲唔妥，佢哋竟然可以一貓食一罐125g…125g對於一隻正常貓嚟講已經可以係一日先食得晒嘅份量。而佢哋係可以一餐搞掂，太恐...5 year ago
-
我：「你俾咗你袋藥我睇吓先呀」我望望，錫紙包裝嘅抗生素包裝上係有十粒，咁…我冇俾少到喎。係佢食多咗喎。我問佢：「我係俾咗十粒你㗎喎～你睇吓，一日兩次，每次食一粒，應該食到五日㗎，你一日食幾次呀？」佢：「你邊度有講係一日兩次呀？」我指指藥袋上嘅貼紙：「呢度囉，寫得好清楚㗎喎。」佢：「哇，啲字細到咁點睇呀？」我：「咁出藥時都有講嘅，你嗰時冇聽清楚咩？」佢：「...5 year ago
-
雖然拎報告時，我都買咗泌尿問題方面嘅處方罐頭，希望可以多多少少幫到啲，但係個衰仔竟然聞兩聞就唔食，廿幾蚊一罐嘅罐頭咁就被嫌棄了。唯有繼續食返佢原先食開嘅普通罐頭，加水加水再加水，之後再針筒灌水灌水再灌水。貓每日身體所需要嘅水份係每公斤60ML左右，波波雞而家有3.7公斤，即係至少要222ML水～咁計一計，平時主要以濕糧罐頭為主食嘅佢，需要特別灌水嘅ML數...5 year ago
-
其中一位女士行埋嚟同我講：「我預約咗㗎。」我：「係～請問係咩名？」佢：「XXX」我：「你約咗十點半，坐坐先呀。」佢望望坐喺度嘅人，再擰轉頭問我：「係咪睇埋呢幾個到我呀？」我：「係呀。」佢指指後面跟佢尾嘅人：「我今日都帶咗幾個人嚟呀，可以睇埋呀可？」可以睇埋呀可？你覺得我哋只行預約制嘅流程，可以點樣睇埋你嗰幾位呢？我：「唔好意思呀小姐，我哋係一定...5 year ago
-
喺去診所期間，我就喺度諗如果要開刀拎石嘅話，究竟做唔做好？佢雖然年紀唔大，但係佢身體機能上本身就係有缺陷，捱唔捱到亦唔知，當時我真係好苦惱。去到醫生度，醫生手勢純熟快速放尿，啲尿足足整濕晒一大塊尿墊…我望住被接近揸乾尿袋嘅波波雞，鬆咗一口氣，同時我心諗『頂呀！喺屋企又放唔到，又鬼殺咁嘈，嚟到診所一見醫生就放到』。 醫生表示而家並無急切性嘅問題，既然放得...5 year ago
-
我哋係診所喎，唔係醫院喎，你會唔會去錯地方？我：「我哋係私家診所喎。」佢：「我知呀！我而家咪問你點解急症要等咁耐囉？」政府嘅錯，政府漠視民生需要嘅錯，每日一百五十人嘅錯，削減醫療開支嘅錯，大部人濫用急症服務嘅錯。我：「你係咪要喺度睇醫生？係嘅話麻煩你俾身分證我登記呀。」佢：「我頭先喺急症登記咗啦！我等咗四個鐘都未到我呀！」佢拎出醫院急症收據飛仔，一...5 year ago
-
有啲為求可以表現出自己與別不同，就會做一啲平時唔會做嘅嘢去贏取掌聲like數。我唔反對你突破自己，不過突破自己同時可唔可以先評估咗風險先，唔係玩到置之死地而後生咁款呀？一個唔小心，你真係瓜咗，最後上報兼一時紅咗嘅就會係你篇死亡新聞，不過好快就會俾外人忘記… 有啲甚至會利用自己以外去刷存在感，就好似早幾日有人將隻狗放落一個玻璃大水缸入面，明明眼前隻...5 year ago
親子最關注
熱門標籤
親子最關注 熱門標籤
親子最關注 熱門標籤