【產後抑鬱症1】產後抑鬱症10大表現

以下係產後抑鬱症最常見嘅幾個症狀。不過，就算媽咪出現其中幾個症狀，都唔一定患上產後抑鬱症。因為，初為人母會令你身體和情緒大起大落。但係如果你有多個以下症狀，並且持續時間超過2星期，就應該去睇醫生啦。

失眠

患者一般訓得唔好或者嚴重失眠。

抑鬱

患者長時間感到情緒低落、愁苦及悲慘，早上或入夜時分情況會較為嚴重。有時日頭情緒低落，夜晚情緒高漲，呈現晝夜顛倒的現象。

疲憊

一般生完BB嘅媽咪都會覺得好累，但係產後抑鬱嘅患者會因為疲倦而覺得自己患病。

不能應付生活

患者會覺得成日唔夠時間用，做咩都做唔好，呢個係與失去動力改善有關情況。

焦慮

患者會經常因為驚不識照顧BB而感到焦慮，同時又擔心BB嘅健康。

脾氣暴躁

患者可能會對別人的兒女或自己嘅BB感到暴躁，而發泄對象通常是自己嘅伴侶。

內疚

患者會因為自己患病而增加家庭壓力感到內疚，亦會用負面角度觀看事物而自責。

食欲不振

患者通常冇胃口，但有時會透過暴食來宣洩壓力，不過過後又會因為肥胖而感到內疚和不安。

出現唔健康嘅諗法

產後抑鬱症嘅表現仲會出現思覺失調、迫害妄想、有自殺嘅意念或企圖，甚至出現傷害BB或自殺行為。

失去興趣

患者對懷孕前享受覺得唔再吸引，以往嘅興趣亦變得無聊，對日常活動缺乏興趣。成日覺得反應遲鈍，思考問題困難，主動性下降，對生活嘅厭倦，對生活失去信心，特別係對性生活失去興趣，進一步影響雙方關係。

產後婦好需要人關心同愛，另一半記得細心同留意，如覺得有抑鬱症症狀，記得去做適當治療啦。