【3歲以下免費】逸東自助晚餐有高水準粵菜

今個8月，佐敦逸東酒店都會自助餐廳推出「中西海鮮盛薈」自助晚餐，除了供應中、意、澳、法各國作主打的海鮮美食，最特別是推出一系列由逸東軒星級行政總廚炮製的巧手粵菜，自助餐都有星級菜食。3歲以下免費，3-11歲則收小童價。

8月自助晚餐有多款主打新菜式，例如北京片皮鴨、陳皮生煎金錢鱔、彩虹油泡蝦球、冰花雪梨銀耳燉天山雪蓮等。

粵菜之外，仲有以加拿大藍青口、鱸魚、花蜆及新鮮海蝦炮製的法國海鮮湯。

白酒煮青口用加拿大藍青口，再倒入白酒、檸檬汁、車厘茄、意大利香芹，味道清新鮮甜。

至於上星期去食的Lunch Buffet，雖然無以上菜式，但都有生蠔、朱古力噴泉同埋Mövenpick雪糕車！二百零蚊埋單，個人覺得好抵食！

大量新鮮生蠔！點解我咁強調有生蠔呢？因為早排我去過洲際酒店食自助晚餐，埋單大約一千蚊一位，但係呢，佢哋係無供應生蠔架！不過Book位時佢哋都有講明係無提供生蠔嘅。

熟食類選擇唔算多，味道就中規中矩啦！

迷你版朱古力噴泉小朋友最鍾意。

棉花糖棒及其他甜品都好精美！

最鍾意嘅其實係餐廳內嘅Mövenpick雪糕車，中午會有4款口味的雪糕及雪葩選擇，另有多款不同配料畀你自己隨意選搭。

據聞自助晚餐係會有齊11種雪糕口味，搵日要再去試！

最後，有一點要提提各位，逸東酒店地下樓層正進行裝修工程，所以出入時就要留意一吓！

環球美食自助午餐

時間：中午12時至下午2時30分

星期一至五：$218 (成人) 、$158 (小童)

星期六、日及公眾假期：$248 (成人)、$188 (小童)

中西海鮮盛薈自助晚餐

時間：晚上6時至9時30分

星期一至四：$478 (成人)、$368 (小童)

星期五至日、公眾假期前夕及公眾假期：$528 (成人)、$408 (小童)