【產後補身】包裝滴雞精VS自製燉雞汁

時代進步，加上現今世代很多媽媽產後都要繼續上班，即使不用上班在家當全職媽媽也很忙的，要自己整燉品進補恐怕沒有如此閒情逸致吧！

傳統的燉品如燉海參、花膠等都好味有益，不過事先要做的工夫就很多，對於忙碌的媽媽來說實在很費力！

最近網上很多媽媽都在討論補身食品，有媽媽推介現成買的滴雞精、亦有媽媽DIY燉雞汁、燉肉汁。兩者都比傳統燉品方便好多，好似都幾好喎！一齊睇下點整啦！

滴雞精

滴雞精是台灣極流行的產後進補食品，一般都以小包裝設計，呢個品牌就嘅就一盒有10包，平均每包$42。另有其他口味選擇，馬穎揀咗原味，因為Sales姐姐話如果經期嚟時只可以飲原味。

呢類滴雞精平時要放雪櫃，要飲就拿出來直接放入熱水座熱，好處是非常方便。賣點係產前、產後媽媽、母乳媽媽、需要增強抵抗力者及男女都飲得。

座熱後倒出來就可即時飲用，味道就像濃郁清雞湯，但比一般像豉油色的樽裝雞精好味得多，而且完全沒有油份。不過一包65ml，其實只有平時飯碗的1/3左右，價值$42的滴雞精，幾啖就飲晒喇！

DIY燉雞汁

自家製燉雞汁又怎樣做呢？首先在街市或超市買一個雞殼(約$15至$20一個)，然後製作方法其實就像我們之前介紹過的燉洋蔥一樣。先將小碗反轉放入鍋內，然後放入已切件的雞殼，再隔水燉90分鐘左右。

然後一碗純正的無添加雞汁精華就完成了，不過由於整個雞殼會連著雞肉、脂肪及小量雞皮，所以整碗雞汁難免會有一層雞油，感覺有點肥膩，建議先隔去雞油才飲用。

同場加映：燉肉汁

除了用雞殼燉雞汁之外，亦可使用豬展肉(水展)來燉肉汁，方法同上。只是材料改成水展(約$40)，可分2至3次燉，每次約可燉出60至90ml肉汁出來，另可加入洋蔥同燉，有益而且味道會更鮮甜。除了適合產後婦女作補身之用，抵抗力較低的小朋友亦可飲用。留意返，上圖是錯誤示範，因為一整碗的肉片足足用了一整條水展來燉，肉汁滿瀉了(Oh No！)