【今期流行】全人手製芫茜蛋卷

大家又屬於那一邊的支持者呢？馬穎就屬於芫茜控，由於未能親身飛到日本一嘗芫茜味薯片，所以內心非常忐忑！正當獨自失望之際，偶然發現香港一家老字號蛋卷餅店竟然有售芫茜蛋卷，而且更是全人手製，立刻買回家試一試！

就係呢盒喇！呢間餅店喺港九新界各地都有好多分店，呢盒芫茜蛋卷盛惠$30！

Wow！打開盒蓋，可見蛋卷上更有一片莞茜作點綴，當下感覺簡直驚為天人！

嘩！好靚呀！好似藝術品咁呀！

由於係人手製作，所以每件蛋卷嘅大小同色澤都有輕微不同，但都可以整整齊齊咁剛好放到入盒。另外，食咗一件之後發現，原來唔係全盒每一件都有一片原整嘅芫茜喺蛋卷上面，下層蛋卷係無架！

最後又最重要嘅分享，就當然要講下呢款蛋卷究竟好唔好味啦！蛋卷口感鬆化，但係芫茜味唔算太突出。上層有一整片芫茜嘅蛋卷味道會較濃，但下層蛋卷嘅芫茜味就很淡，而且蛋卷偏甜及雲呢拿味，所以個人認為味道其實一般。

味道整體嚟講，就係無想像中咁好味囉，但呢款咁破格嘅芫茜蛋卷，未試過嘅都可以一試嘅！