【必經階段】小朋友講大話點算好？

注意自己日常反應

大人都會講大話，有冇諗過自己講大話嘅原因係咩？會唔會係避免爭執，或者唔想人地唔開心？小朋友其實有時講大話嘅動機都係一樣，如果你平時都大聲夾惡同佢地講嘢，而佢地知道自己講大話可以避過一劫，情況只會惡化。

溫柔態度

同小朋友解釋或者教育佢地講大話係唔啱嘅行動果陣，絕對唔可以惡！

要記住要令小朋友有內疚感而唔係羞辱心？兩者有乜分別？前者係令小朋友明白講大話係唔啱，後者係明白講大話會比媽咪鬧，所以下次講大話要醒目D唔好比人鬧，而唔係認為講大話係錯，呢樣就係最大分別。

多關心小朋友

引起父母注意係普遍小朋友講大話嘅主因之一，所以從根源問題入手都有助減少小朋友講大話情況，多D關心仔女，日常都得到你嘅注目又點會再用埋曬D旁門左道呢！

適當後果懲罰

設置小懲罰嘅目的在於比小朋友知道，做咗唔好嘅行為就會有唔好嘅後果，而唔係要懲到佢地驚！而且一定要每次都統一處理，無任何酌情權。

圖片：網絡