【呢個正！】特別限量版滋味小食杯

所有set menu同單點食品都係以七十年代美食為主題，但就加入咗啲高級食材同埋新派元素，懷舊之餘又有啲Surprise！

最吸引我眼球嘅係呢個四十週年特別版小食杯，上面有海洋公園最新吉祥物嘅圖案，個Design以金屬色為主，都幾靚架！

呢個「四十週年威威老友記別注版珍寶杯」將會喺園內指定小食亭售賣。珍寶杯上層放滿特色小食，如吉列豬肉洋蔥串、炸雞槌及炸雞中翼或炸雞粒配炸薯條，而下層則是40安士的飲品杯。由於別注版珍寶杯數量有限，售完即止。

海洋公園【海龍王餐廳】及【冰極餐廳】亦會同時供應多款「經典尋新四十載」套餐，如「中式薄罉配煙燻手撕豬肩肉」、「龍蝦碗仔素翅」、「燴牛仔面頰肉配煎腸粉」，仲有「麥芽糖夾餅配雲呢拿雪糕」、「黑菌蜜糖馬仔」、「金箔桂花大菜糕」等。

每份套餐均配以一杯以可口可樂及Häagen-Dazs™朱古力雪糕調製而成的經典冰凍黑牛特飲，好正！