【專唱反調】仔女唔聽話四大原因

圖片:網絡

1.獲取關注

仔女大個咗，會發現自己可以做更多嘅事情，因此孩子會想其他人能夠注視到佢地嘅能力，所以會做出各種唔同動作去吸引父母或者大人注意。而小朋友係嘗試過唔同方法之後，會發現到同父母對立先能夠獲得更長嘅關注時間。所以會開始作出不同嘅反抗，係父母或大人面前表達自己嘅能力而獲取關注。

2.缺乏交流

係成長嘅過程當中，小朋友同父母交流不足往往就係令到孩子唔聽話嘅原因。仔女會成長，學到嘅知識會愈來愈多，獨立性愈來愈強，而因同父母交流不足嘅情況下，父母會一直用一個高高在上嘅姿態去命令仔女做事，亦未意識得到仔女其實已經日漸長大。咁嘅只會形成惡性循環，令仔女抗拒同唔服從嘅表現出現，變得愈來愈唔聽話。

3.反抗意味著獨立

仔女日漸長大會想擺脫對父母嘅依賴，更會變得比較自我，所以對於父母嘅說話，甚至對父母嘅安排都會作一種唔需理由嘅反抗。

咁係因為仔女開始有自己嘅思想，是一種要求獨立嘅表現之一。

4.遇到挫折

不論係學校定係屋企受到挫折之後，仔女都會產生一種不良嘅心理反應，慢慢變得唔聽意見同勸導，做咩事都會變得一意孤行，堅持己見。有d小朋友甚至會不願意改正，明知故犯。

所以想仔女聽話就一定要保持良好溝通，多正面支持同鼓勵，令仔女知道唔一定要唱反調先可以得到注意，同時仔女愈大愈需要私隱，所以唔好將呢d行為當作係唔聽話！

圖片：網絡