【食勻「葵廣」系列(1)】人手現場即壓！超級特大海鮮拓餅

近日前往久違了的葵涌廣場，竟然發現新野！(其實唔新，係我孤陋寡聞啦好唔好！)呢個超級特海鮮拓餅真係超吸睛！即買即試啦唔使講野！

手燒拓餅源自東京以南的拓之島，賣點以使用原隻海產加上粉漿，以特製機器即場以人手烘壓製成。

此店設有3款拓餅選擇，包括烏賊拓餅($40)、海老拓餅($38)及木魚拓餅($34)。另有大阪燒、日本炒麵及章魚燒等日式小食。

Hody Ma覺得原隻烏賊(即是大尤魚)太激動，所以選了海老拓餅！由於即叫即製，付款後我拎住張收據，等了近20分鐘，我的海老拓餅才到手！拿上手的一刻真的覺得好誇張！至於味道呢，就是蝦餅味囉！邊位沒有真蝦的地方較淡，有真蝦的地方就較濃味！要我具體形容的話，就即係細個食果隻四洲蝦餅嘅「好味版本」！

留意返，一個人其實都食得晒嘅！不過，如果你仲未食過又想試下的話，建議你唔好獨食，與愛侶好友分享吧！因為我食完有少少喉嚨痛。

鍾意食軟雪糕的，唔可以錯過呢間kiss IceCeam！

軟雪糕味道特別！有意大利松露朱古力味、金莎味、海鹽味等選擇。

淨係雪糕筒都有7款揀。

呢間「又一戟」有好耐歷史，Hody Ma讀書時代已經喺度架喇！

「繼光香香雞」係小朋友至愛。

車仔麵、燒香腸...淨係睇下食咩都有排諗。

撈麵都好多人喜愛架。

近期爆谷熱潮好似過咗，而家去POP POP RANGERS唔使排隊。

店員話焦糖係最多小朋友喜歡的味道，其次係芥末蜜糖味。

呢間「清玉」係拍攝當日新開張的，現場都好多人幫襯，排晒隊咁。

原來有新店優惠、學生幫襯又有優惠。