【統一派位】小一「大抽獎」點玩法？MIRROR版一讀就明

下星期六及日（1月22及23日）是小一統一派位（俗稱大抽獎）的日子，「大抽獎」的玩法每年令不少爸媽搲爆頭，什麼「甲一、甲二、甲三」、「乙一、乙二、乙三」。早前有MIRROR粉絲以當紅偶像解釋派位機制，不少媽媽驚呼：「一睇即明」。

小一統一派位舉例

例子：如你甲一填姜濤（姜B），甲二填Anson Lo ，甲三填lan；乙部一、二、三也一樣。程序會先抽甲一，若唔中姜B，就會抽甲二，若你抽中Anson Lo ，恭喜你，甲三、乙一、乙二、乙三都不會再抽了，你會得到Anson Lo。因此，如你很喜歡姜B ，你應在甲一填姜B，甲二和甲三留空，乙一再填姜B，乙二填Anson Lo，乙三填lan，咁你就可以令你maximize抽中姜B的機會。

或者我再舉一例。全球任何明星都有粉絲會，而我們只可加入其中一個粉絲會做會員，我們要先知道幾個遊戲規則：

第一，每個會有50%可供統一派位；

第二，當中5%是甲部（全世界可跨區抽），和45%是乙部（只供同區抽），所以乙部名額是甲部的9倍；

第三，抽獎順序是甲一 > 甲二 > 甲三 > 乙一 > 乙二 > 乙三 > 乙四 ...... > 乙三0；

第四，抽獎跟以上順序，一抽中就停，假如你甲二抽中，甲三至乙三十都唔會再抽；

第五，甲部雖可填任何區，但如別區冇明星你鍾意，也可填本區。而家解釋範例：

我鍾意G Dragon > 姜B > 林家謙 > 黃德斌 > Frankie > Anson Lo > lan，我會填：

甲一（G Dragon）>甲二（姜Bb）> 甲三（留空）

乙一（姜B）>乙二（Anson Lo）> 乙三（lan）>……乙廿九（周柏豪）> 乙三十（曹永廉）

問題1：我點解甲三留空？做乜唔填林家謙？

答：因我愛姜B > 林家謙，如我在甲三抽中林家謙，咁我咪等於放棄乙一抽姜B個45% quota？所以我情願甲三留空，都要抽姜B。

問題2：點解乙二唔填黃德斌？而填Anson Lo？

答：假設黃德斌與姜B是同Level大熱，乙一必然45%全被抽光，乙二仲抽是呃自己，只會浪費機會，所以我填次Anson Lo。

問題3：做乜要填滿乙部30個？冇心水可否留空？

答：唔應該，因甲部留空，電腦會skip，但乙部留空，電腦會亂抽，所要乙部要盡填，起碼填一些不討厭的，否則，可能會派153畀你。

PS 有家長分享，最好甲一之後留空，之後直接填乙一。祝各位媽媽自行入姜B或叩B（即叩門）成功。

仍有家長，建議乙部填法

乙部順序填姜B > Anson Lo > lan，等同自殺式填表。

乙一）姜B，Anson Lo，lan

乙二）Edan，Jer，AK

乙三）Jeremy，Tiger，Lokman

留意乙部需要跟住宅地址，當區填寫。

除了小一統一派位，大家亦可以去選擇ERROR或其他組合 （即是直資私校）。

大家睇咗以上說明，係咪覺得清晰咗好多？參加「大抽獎」的家長，謹記在1月22日或23日，前往指定的統一派位中心辦理統一派位選擇學校手續。家長為子女選擇小學時，應該先了解子女的特質、性格、能力和興趣、學校的辦學團體、歷史、地區等因素。預祝各位家長順利入讀適合子女的小學，小朋友讀得開心！