【起碼都自己做嘅…】開學前怒趕假期作業 台母慨嘆：每年都要發生2次

新年假就已經放完啦，各位爸媽係小朋友開學前一日有無見小朋友趕做功課嘅風景呢？台灣呢名媽媽就係仔仔開學前一日，影到小朋友坐係功課堆入面嘅畫面，感嘆呢個狀況，年年都要發生。

今年香港部份學校實踐零功課假期，相信有部份小朋友今次新年可以有個相當輕鬆嘅假期，不過台灣呢個小朋友，就成地成書桌都係功課…呢名媽媽網民就無奈透露，小朋友成個假期日日掛住打機，所以搞到做唔切，但諗返轉頭都要講句：「其實我小時候也是這樣，這算是童年回憶之一嗎？」

網民睇到都紛紛話好懷念，好多人都係咁臨急抱佛腳之餘，仲有人指好多同學會選擇同同學交換抄！好多面臨相同遭遇父母笑指有共嗚：「這邊也一個！快被揑死了」、「我家的2個姐姐也是這樣，昨天一直在趕功課，還要媽媽我幫忙畫圖」，唔知香港媽媽們，今個假期又有無面對呢個問題？

圖片及資料來源：Facebook Page 爆料公社