網絡熱話｜呢個牌子雪糕成份表超乾淨　網民：美醫生指患腸病毒小朋友可食

大人小朋友都鍾意食雪糕，不過一般嚟講家長就唔想小朋友食太多。近日有台灣網民趁特價入手某品牌雲呢拿味雪糕，隨手發現，原來原料只有6種，成份天然，引嚟唔少網友留言。

台灣網民於社交平台發文，發現Häagen-Dazs雲呢拿味雪糕原料只有「鮮奶油、濃縮脫脂乳、糖、水、蛋黃及天然香草香料」6種，隨即有留言表示「用蛋黃當天然乳化劑而非化學添加物」、「用料天然」、「越簡單的東西做的好吃越不簡單」。

有居美的網友表示「因為哈根達斯成分比大多數品牌的冰淇淋單純，所以美國這邊的小兒科醫師會建議得腸病毒的小朋友，在嘴破不好吞嚥的階段，吃哈根達斯舒緩和補充熱量。」又有癌症康復者指「之前癌症化療期間醫生都叫我吃哈根達斯，成份單純又有蛋白質跟熱量」、「我那時候醫生只准我吃這個牌子」。

不過值得注意的是，雪糕的糖分很高，雖然「原料天然」，但正常健康人士及小朋友仍不代表可以「喪食」。凡事適可而止，才是健康之道！