【心如死灰】4歲囡囡扭計唔願走 爸爸淡定「拖」走

美國華盛頓Washington Dulles International Airport係今年元旦之時，就有一位年約4歲嘅小妹妹因為扭計，係正要趕登機嘅之時訓係地下唔願郁…妹妹嘅爸爸見狀竟然淡定地拉住囡囡外套嘅帽，將佢當行李咁拖去登機。

影底呢幕嘅網民指，自己當時係機場等接機，忽然聽到重物係地板拖行嘅聲音，轉個頭見到呢名爸爸一手拎行李，一手「拖」住囡囡行過…囡囡一直被「拖」到登機口前依然唔願起身，彷佛心如死灰…而身後姊姊遠遠跟係後面，手中抱住妹妹嘅背包，好似唔想認自己識呢對父女咁…

有網民睇影片後笑言，自己之前都試過超市拖住囡囡離開，其他路人都用種奇異目光望住佢，但囡囡反而覺得好好玩…更有網民笑言話自己細個都好想試畀人係地下拖住行。不過講返轉頭，個位爸媽係小朋友扭計時又有咩招數，可以「搞掂」佢哋？

圖片及資料來源：Youtube、Twitter