【睇少陣都唔得！】台母露台傾公事 3歲囡囡屋內「拆屋」

全職媽媽唔易做，就職媽媽就更加係蠟燭兩頭燒，台灣呢名就職媽媽日前就於Facebook Page「爆怨公社」中發文透露，指自己近日收工返到屋企，仲要同客傾公事，因此留咗3歲囡囡係房內，自己出咗露台傾咗逾25分鐘電話。

傾完電話，呢名媽媽離開窗台、諗住入房睇個囡時，發現屋企畀賊入過咁款！客廳、臥室、廚房無一幸免被翻箱倒櫃，物品散落一地，無論是化妝品、衣物等通通一地都係，令佢都睇到呆哂。

佢問囡囡點解要咁做，囡囡話佢要搵糖食…而經過檢查，囡囡真係排除萬難搵到包收埋咗嘅糖，食到一粒不剩…令呢名媽媽欲哭無淚，直呼：「我是個有潔癖的人⋯⋯有媽媽受虐專線嗎？可以提供給我嗎？」好多台灣網民感慨：「理智線瞬間斷了」、「這場景⋯⋯⋯⋯需要冷靜一下」、「我女鵝也是這樣氣到命剩一半了」

 

不過，都有網民勸戒媽媽，小朋友呢個舉動需要管教，其次建議媽媽即使再忙，都盡量唔好畀小朋友離開視線太耐，即使要係露台傾電話，間中要留意住屋內情況。

圖片及資料來源：Facebook Page「爆怨公社」