【新手爸爸】為囡囡準備百日宴（上）

場地

選址方面，本身都考慮過去酒樓定去party room，因為影相出黎靚啲同埋好似大家玩得開心啲，不過最後我地選擇左屋企附近酒樓去搞，因為始終中菜會適合長輩同埋近屋企，如
果拿漏野都可以好快拿返。

服飾

服裝方面，爺爺已經同準備好D字頭同G字頭嘅靚衫俾卓欣公主到時見面會著喇！到時一定大家都爭住同佢影相。
好神奇真係講都唔信，係屋企試身果時佢見到件戰衣真係笑曬咁，唔通咁細個就識呢啲牌子？

道具

其他配搭，我地準備咗個好靚嘅兩層蛋榚，仲有backdrop同好多靚靚汽球，到時應該會好靚好好睇。我地自己都好期待呀！

其實搞咁多野都係想囡囡大個左睇返感受到家庭對佢嘅愛，做一個開心快樂嘅小朋友。

最後當然都希望賓客黎到都開心盡興啦，黎緊記住睇埋下一篇百日宴（下）

作者: Davis Papa  

新手爸爸，育有一女，現職電視台導演及網路媒體創作人