【瞓多五分鐘】小朋友都識整嘅「簡易營養早餐」

而最近日本就興起好多簡易食譜，用最簡單嘅方法，製作出易本身要好多步驟嘅食物，而大部份呢啲食譜都又方便又好食㗎。今日親子頭條就同大家一齊分享點樣製作呢種簡易營養早餐啦！

材料

厚身方包   1片

蛋         1隻

火腿       1片

沙律醬     適量

*可隨喜好添加其他食材及調味料

首先將食材切粒，大小隨意，不過切得越細份，之後越容易操作

方包上塗上沙律醬

用餐刀將沙律醬平均抹勻於方包上

再以湯勺於方包中心按壓出一個圓型凹位，越深越好

於凹位附近放上食材，如果想於凹位放食材，只可薄薄鋪上一層，不宜過多，記得要保持中間凹陷。

之後於中間打一隻雞蛋，如果想蛋焗完較嫩口、有流心，就不要弄破蛋黃；如果想中間蛋全熟，亦可戳破蛋黃，輕輕打勻。

完成後移至鋁紙上，並放入焗爐，焗約4至5分鐘（焗爐溫度過高容易燒焦，建議不要高於180度）

完成！如有需要，此時可加上胡椒、鹽等調味料調味。製作簡單又容易，家長整又得，又可以叫小朋友一齊落手製作，大家不妨在家可以試整一吓！