【不必分得那麼細？】5大意思相近中文字

扎、紮

其實兩字部份意思相似，「扎」字亦為「紮」的簡寫版，但兩字用字依然有些微不同。
扎：係指「刺入」呢個行為嘅動作，亦可解綑綁，意同「紮」。

例子：頭先BB畀姑娘扎咗一針。

紮：有「綑綁」、「屯駐」嘅意思。

例子：呢條村前日開始，就有軍人係度駐紮。

漲、脹

漲：有「增長」、「增高」之意。

例子：水位越嚟越高啦，係潮漲呀！ 

脹：係「物件體積上嘅膨脹」，物件本身嘅體積發大。

例子：你唔好再食啦，你睇你個肚越來越脹…

愈、越

其實兩個字都有遞增嘅意思，而且係同義字，只係「越」字多用於口語，並有「超越」之意，而「愈」字則多用於書面語。不過現時一般都會以「越」字取代替。

愈：「愈」同「癒」字有相通，所以亦可解病情好轉。其次又解「更加」、「越發」、「勝過」。

例子：越過呢條小溪，條路就會愈來愈難行。

越：解「更加」、「經過」、「跨過」或「渡過」

例子：越過呢條小溪，條路就會越來越難行。

尤、猶

尤：有「怨恨」、「歸咎」等之意，另外副詞上可表示程度。

例子：做人積極啲，唔好成日怨天尤人，尤其係你呢件事上根本未盡全力。

猶：呢個字相通於「由」，可解「如果」、「尚且」、「仍然」嘅意思，連詞上可有「尚且」嘅意思。

例子：你連件事都猶未了結，就已經諗得咁美好，猶同於逃避現實。

鋪、舖

「鋪」為「舖」嘅異體字，兩字意思幾乎一樣，都可指店舖，但都有些許分別。

鋪：除了指「店舖」，更有「排例」、「預備」之意。

例子：放心啦，所有事我都鋪排好㗎啦。

舖：泛指「店舖」。

例子：你今日唔使看舖咩？你間舖頭最近生意咁好。