【你又肯唔肯？】埋身母乳餵哺陌生人BB

演員Amanda Holly係倫敦街頭推住BB車，見到有媽媽就會上前「借奶」，佢總共問咗八位媽媽，即刻睇下反應如何先。

第一位：雖然拒絕親身直接餵哺，但願意提供係屋企泵好嘅奶比Amanda。

第二位：不假思索就應承，並好樂意幫忙。

第三位：介意直接餵哺陌生人BB，但表示如果使用泵奶器就可以幫忙。

第四位：呢位媽咪話約咗人無時間，所以拒絕幫忙。

第五位：如果Amanda有需要，可以係屋企拎D冷凍咗嘅母乳比佢。

第六位：今次Amanda就失敗而回，對面表示唔可以。

第七位：愛莫能助，呢位媽媽話自己都開始停止分泌母乳，所以幫唔到手。

第八位：呢位媽咪只願意係使用泵奶器嘅情況下協助。

實驗結果令人出乎意外，8位媽媽竟然有5位願意提供自己母乳比陌生BB，更有一位唔介意直接埋身餵！成功率高達62%，連Amanda都表示，呢班媽咪嘅慷慨都令佢覺得好溫暖，同自己預期結果有好大出入。

香港媽咪，如果有人咁樣問你地，又願唔願意伸出援手呢？

資料：英國《每日郵報》