【就嚟生啦】清胎毒食乜好？

其實清胎毒原因大致是因為想BB出世皮膚好一點、脾氣乖一點、減少夜晚喊的機會，所以準媽媽們都會於懷孕7/8個月打後開始進行清胎毒，聽過不同媽媽朋友意見，大致都係食腐竹蛋糖水、芝麻糊、綠豆沙、西瓜等，亦有些人會飲用白蓮鬚、椰青水等，不過當中不乏一些被指較為寒涼的食物，好似西瓜、綠豆沙等，是故小編都暫時未敢食到咁盡。

媽媽自家製芝麻合桃糊，甜度剛好，即磨即食。

桑寄生蓮子蛋茶，食完之覺得好滋潤。

媽媽都是自家製感覺上較為中性的糖水，例如腐竹蛋、芝麻糊及桑寄生蓮子蛋茶，自家製的好處是可以控制甜度，不會進食過量糖份，始終孕婦都不能吃得過甜。

腐竹蛋糖水都係另一「飛佛」。

至於不少中醫說可以飲用的白蓮鬚呢，小編就有朋友說未敢飲用，因為曾聽過有朋友飲用之後，生產時會比較痛，醫院姑娘就說是她飲用白蓮鬚的後果，所以說是不能飲用的。說到這樣都真是不知誰是誰非，小編就應該繼續選取性質較溫和的清胎毒食物，唔知你哋又點揀呢？

你哋清胎毒時又有無食白蓮鬚呢？

計我話，如果想清胎毒得來又健康，大家都是要找合資格人士如中、西醫查問，以免臨生前出任何亂子，始終大肚婆都係凡事小心為上好。

部分圖片：網絡