【高手在民間】廚神媽5分鐘煮咕嚕麥樂雞

在職媽媽平日辛苦工作，收工回家又要諗煮乜餸真係好苦惱。讀者Cherry就係其中一位辛勞嘅在職媽媽喇！咁佢尋日知道麥記有10蚊9件麥樂雞咁抵，就買咗20蚊返去加餸啦。

兩盒有18件(呢度係4盒36件)。

其實間中食下炸嘢真係無問題架，又要返工、返屋企仲要煮飯，好攰架！正當大家都以為佢只係就咁用碟裝起外賣麥樂雞咁無誠意之際，令人感動嘅事發生咗呀！

登登登櫈……係「咕嚕麥樂雞」！Cherry竟然將平平無奇嘅熱氣麥樂雞，煮成一碟賣相非常好嘅「咕嚕麥樂雞」，仲要只係用咗5分鐘！廚神呀！

問Cherry點諗到咁整？佢話：「我都係上網睇到有人咁做，我跟住煮咋！」嘩！真係高手在民間呀！

以下是Cherry提供的「咕嚕麥樂雞」食譜

1) 先將罐頭菠蘿、青紅椒切粒

2) 爆炒青紅椒備用

3) 煎熱麥樂雞

4) 菠蘿落鑊兜一兜

5) 最後全部材料撈埋再加入李X記咕嚕汁，完成

*我上網搵過仲有人用「麥記茄汁、白醋、糖、粟粉、水」自製獻汁，好叻呀！

原來咁易整喎，下次試下同阿仔一齊整先，簡直係親子料理嘅好選擇呀！或者下次阿仔唔肯食飯我都試下咁整畀佢食，同佢講：「嗱！麥樂雞囉咪！夾餸食飯啦！」