【極離地】$2,800一塊番梘係咩玩法！

咁究竟呢塊梘有咩咁勁要賣咁貴呢？份新聞稿係咁寫嘅：

SDTL能量方塊由香港獨家研發和製造，百分百天然、安全、經證實對皮膚功效顯著，面部及身體均可使用。與坊間一般清潔產品最大的分別，是其SDTL技術能夠直達皮膚細胞，15秒內進行修復，為細胞注入活力，是全球唯一創新革命性的美容及身體修復產品！

咁呢舊梘嘅成分又有咩呢？

佢話有橄欖油、椰子油、棕櫚油、奧米加3、維他命E、橄欖鯊烯、橄欖多酚、維他命K。經SGS檢測，證明無重金屬、無微生物污染、無甲醇、無游離甲醛。無農藥殘留、無激素、無類固醇、無任何藥物成份、無人工化學物，且絕不採用動物測試。

佢仲有條片係實試洗完個效果嘅：

睇完好似好神奇不過呢，隻手咁樣畀人按摩完，血液循環好咗，即時同另一手唔同色都唔出奇架！唔信你自己試下。

同埋，其實好多天然產品都含有以上嘅成分，呢塊50g嘅梘個盒係幾靚嘅，但咁貴係咪真係有人買架？