【網絡公審】媽媽不滿sales態度 反被指責

原文摘自facebook群組盡在元朗

認真嬲爆，今日下午3時左右我同俊俊食完嘢諗住行下睇下嘢，喺頌富商場地下有個直銷場，俊俊(發帖者兒子)行埋去一個買平價電子產品嘅檔攤睇下，諗住買部手提式嘅播放器俾婆婆聽粵曲，點知就俾「茂利男」同「 茂利女」狗眼看人低，簡直不知所謂。事由俊俊行到埋去企咗喺「茂利男」嘅右後方，我就企喺檔邊面向住俊俊同「茂利男」，跟住俊俊攞起其中一部機企定定喺到睇，不足兩秒「茂利男」遞手叫俊俊俾返部機佢跟住擺返喺枱，跟住我就好有禮貌地問「茂利男」……
我：我想問下點解唔睇得嘅? 點解個小朋友睇緊要問佢攞返嘅?

茂利男：因為佢喺我後面攞，有好多小朋友就係咁樣偷嘢 (茂利男話唔知佢有我呢個家長喺度喎)

我：你有冇攪錯呀？攞嚟睇就叫偷嘢呀?
茂利女搭嗲：就係有好多小朋友咁樣偷嘢，喺後面攞咗就走咗去
我：咁我個小朋友攞住睇企定定冇行開過喎，你地咁樣好唔尊重喎，你d嘢擺喺度唔係俾人睇架咩？(我開始扯火)
茂利女：係呀！我擺出嚟唔係俾人睇架，我有權唔俾你地睇添
我：你擺得出嚟sale，就係要俾你睇架啦！你非常之唔尊重我地喎，乜你地係咁樣做生意架?
茂利男：係呀！我地係咁做生意架喇！(態度勁寸)
我：哦，原來你地係咁樣做生意嘅(我用手機影低佢地)，等我擺上網俾其他人知道你地喺咁樣做生意嘅先 (佢跟住都用手機影我同俊俊)佢又話佢又擺上網喎
我：好呀！你咪影囉！你咪擺囉！仲好呀，等其他人評下理呀！
茂利女：咩呀？報警囉！
我：就係你地呢d咁嘅人郁d就話報警，浪費晒我地香港納稅人嘅錢呀！
茂利女不斷喺咁講：報警囉，報警囉，你咪報警囉！
我：係你話要報警架，我從來都冇講過話要報警，我地呢d土生土長嘅香港人係唔會郁d就話報警，係唔會亂咁浪費我地香港納稅人嘅錢囉！大X哩！睇路行呀！
茂利女：你講嘢小心d好喎
我：我講嘢已經講得好小心架喇！

跟住我同俊俊行咗去服務台，打咗電話去頌富商場嘅負責單位投訴。認真倒霉呀，遇著d唔識做生意嘅「瘟神」
大家要認住佢地呀！咪幫襯呢d「瘟神」呀！等你d生意手法咁另類吖嗱！

網民反應：

Cheuk Sing Lcs ：我覺得個男錯唔晒 細路未定性 隨便拎走電子品都唔出奇 而且佢又睇唔到你依位家長係到 所以我覺得個男錯唔晒
而且佢都係講返之前有依啲事件出現 我唔明點解你唔可以體諒下人
當然係你扯火個陣 佢地態度係有問題 始終你係客人

Damon Tsui：原來你地係咁樣做生意嘅(我用手機影低佢地)，等我擺上網俾其他人知道你地喺咁樣做生意嘅先

呢句都幫你唔落啦,唔夠人嘈就吹雞一樣...

總括來說，這次事件的媽媽的確不值得幫，因為她自己也描述得很清楚，那位男sales一開始並不知道這位家長存在，而她的兒子又在Sales身後拿走其中一件產品，男sales要求當事人兒子交還亦是人之常情。當然唯一值得商榷的是當時sales們的態度，不過這種事只有當事人知道，單單看文字實在很難幫這位媽媽說任何好話。網絡公審真的不要亂玩，整件事即使你做主導，也不表示道理就在自己身上，希望這位媽媽得到教訓下次小心點吧！

圖片：facebook