【親子好去處】M&M'S版Running Man

小編早前就收到奧海城送來的新版M&M’S，原來今年已經75週年，適逢今年是奧運年，商場就舉行一個以Running Man做藍本的活動「Running M&M’S」全能挑戰場，畀家長與小朋友齊齊挑戰競跑、平衡木、石春路及攀石牆。

75週年限量版朱古力用返懷舊紙盒包裝，仲有好多M&M'S嘅經典造型會出現。

小編張號碼布寫住小編架，好有趣呀！快啲參加，你都可以做一張屬於自己的號碼布呀！

活動7月中才正式開始，不過7月9日及10日將會舉行優先跑，想參加的話就要先成為Olympian Plus會員，就有機會快一步試跑。成功參加優先跑，還會獲得Running M&M’S跑手包一個，內裡包括獨家M&M’S T-shirt、自訂姓名名牌及能量包等。

而成功完成挑戰之參加者，更可即場獲得別注限量版Running M&M’S跑跑汽球(小編都收到個汽球，真係好得意呀！)，名額400個，額滿即止！

除了優先賽之外，大家還可以參加團隊挑戰賽，決賽更會以Running Man經典項目「撕名牌」來決勝負，有機會獲得香港上海來回機票，可以走到亞洲首間位於上海的M&M’S World。

總之活動期間會有得玩、有相影、有禮品，啱晒一家大細去玩！

有興趣參加優先跑的家長與孩子，記得先成為Olympian Plus會員，詳情就登入www.olympianplus.com.hk瀏覽。而想參加團隊挑戰賽的就可到www.facebook.com/OlympianCity 報名。