網絡熱話｜學生社交平台熱議校規　網民稱唔俾書包掛公仔20幾年前已經有

新學年開始，一眾學生都重返校園，近日在社交平台有不少學生發文熱議校規，如「唔俾書包掛公仔」、「唔俾帶超過3隻公仔」、「帶衫返學校上PE堂」等。

新校規「唔俾帶超過3隻公仔」

近年男女老幼都流行出街掛隻公仔喺身，踏入開學月，有學生在社交平台Threads指學校新校規「唔俾帶超過3隻公仔，同公仔唔可以超過12cm」，串文吸引不少網民留言，指「俾掛都算係咁啦」、「可以帶3隻已經贏咗好多人」、「我學校直程唔俾」、「我哋學校係一個吊飾都唔俾有」。

社交平台IG亦有帖文分享「新校規學校唔俾書包掛公仔」，有學生留言「唔明其實掛公仔會影響到啲乜？」不過有不少留言指「唔係今時今日嘅事」、「呢個校規唔新啦，20幾年前已經有」、「不嬲唔帶得玩具，禁公仔有咩出奇」。

另一熱議校規「帶衫返學校上PE堂」

Threads上亦有學生表示校規「帶衫返學校上PE堂，唔可以直接着」，有網民留言指「又要攞書又要攞衫，孭書包孭到高低膊」、「小學都係PE衫著全日，但上到中學就唔得」，不過亦有網民理性指出「帶PE衫回校上PE堂，除了是衛生問題，亦是令同學有在適當場合，穿着適當服裝的習慣，是對個人及別人尊重的訓練。」

遵守校規的重要性

雖然校規多多，不過學生遵守校規，有助了解秩序和規則對個人和群體的重要性，學習群體意識，同時亦是履行學生的責任，為學校不同持份者營造有序和和諧的校園環境。