學業壓力︱小二女生返學壓力大　港鐵內向媽媽大呻5分鐘：我好辛苦！

眾所周知本港學生每天面對繁重的功課、默書測考，加上由2月起，全港學校回復全日面授，壓力日增……網上近日流傳一條影片，一位初小學生在港鐵上向媽媽哭訴近5分鐘，不斷指「好辛苦」，引起網民熱議。

整條影片在港鐵車廂中拍攝，沒有拍攝到事件中的母女，不過收錄了該名女孩的「辛苦論」。

據談話內容，該名女童就讀小學二年級，崩潰表示上學十分辛苦。「我已經唔舒服啦，我仲要日日喺度返學。好辛苦，仲要晨早流流咁起身！」，又指自己十分辛苦才能升讀二年級，壓力甚大，「我好辛苦先可以升到二年級，我唔係好似你咁樣。你依家好唔鍾意我，你咪叫我即刻走囉！」此時媽媽平靜回答：「過兩日你走㗎啦。」，卻引來女童反駁：「我唔想再過兩日，我想即刻走呀！我唔想再等，我真係好辛苦！」

女童又表示，媽媽不讓她玩手機，令她十分辛苦。「你仲要唔俾我睇手機，真係好辛苦！」、「你又咩都唔俾我睇啦！」

女童續指，自己做了很多事情幫媽媽，當媽媽問她做了甚麼事情協助時，女童說：「你唔好問！你知唔知你浪費咗我好多時間？你仲話我唔啱！你想唔想要我？你唔想要我叫我即刻走囉好唔好！」、「你成日都唔明我哋嘅…」

女童又指沒有人喜歡自己，在學校沒有人願意跟她玩。「同學唔鍾意我，我依家好唔開心！好難頂、好辛苦！我依家好唔開心。」、「我成日冇人鍾意，成日就係咁樣呀！我依家冇人同我玩呀！好慘呀！」

「你成日都係咁嘅，你哋啲大人成日都係咁，都冇得改嘅…我好辛苦，都唔知忍得幾耐。我都冇話過所有人，我好辛苦你知唔知！你唔好成日咁樣得唔得，我好辛苦、我好頭痛！」

影片拍攝至拍攝者下車結束，當時女童仍在車廂對媽媽哭訴自己的辛苦之處。片段引起網民熱議，同情女童及明白現今小朋友的壓力「聽得出個妹妹真係好大壓力」、「現在小朋友好唔容易生活！」、「似乎媽咪並不重視小朋友的哭訴。」、「成日話香港教育制度，父母本身都不斷壓迫子女，一日學呢樣學個樣，又補習！」