【新手爸爸】BB止喊靠秋官?

呢個時候父母多數就會抱抱佢地行黎行去、用玩具哄又或者播下音樂啦，當然唔少父母有獨門止喊絕招，而我地欣欣嘅止喊神曲就係鄭少秋嘅經典歌曲。

是咁的，以前我地都係俾佢聽baby shark、five little ducks呢啲大熱嘅baby song，再加埋佢係媽咪肚入面成日聽嘅歌，但其實都無乜效果。自從有一次爺爺翻睇鄭少秋嘅金曲節目嘅時候，就發現到秋官唱嘅時候欣欣特別留心聽同好靜靜咁聽（阿姐唱時完全相反）。

結果講你地都唔信，而家欣欣扭計我地抱嚟抱去都哄唔掂嘅時候，就會有請秋官出場，佢就會由大叫慢慢靜落嚟（唔通佢上一世係秋官超級fans?）。於是我地為左欣欣，聽左呢一世仔最多次數嘅鄭少秋金曲，俾秋官嘅屠龍刀倚天劍揮左幾百次，一笑風雲過左幾百次，食左好幾百碗牛肉加蔥花烏冬。

唔知大家有咩令自己BB止喊絕招呢，不妨留言大家交流下。未搵到絕招嘅父母不妨同佢地聽下唔同嘅歌曲，可能有意外收穫。

作者：Davis Papa

           新手爸爸，育有一女，現職電視台導演及網路媒體創作人