【IQ題變暴力題？】7人分3個蘋果 網民惡搞成熱話(附答案)

日前，內地網民昨晚於微博貼出一條經典IQ題，於網上尋求其他人幫手解答。無法得出正確答案嘅網民，將呢條題目為「七個小朋友，只能切4刀，如何把3個蘋果平均分？」嘅經典問題上傳後，就惡搞地以圖片寫出咗個自創嘅「創意答案」。

3個蘋果7個人，要切4刀去平均分蘋果，網民就決定唔切落蘋果，切左4個小朋友，淨返果3個就可平均分配到每人一個蘋果啦。

好多網民見到呢個惡搞答案，笑言：「這是正確答案啊，畢竟它又沒說不能切人」、「我似乎覺得這麼做很合理」更有「不忍心」嘅網民參考呢個答案後，話可以咁：「先三刀把蘋果各切一半成六份，最後一刀切掉一個小朋友…這樣就只需要切一個小朋友了」又或者係：「我覺得可以用刀脅迫一個小朋友再去拿4個蘋果」雖然都係搞笑咁講，不過香港有網民睇完後，都忍唔住講咗句：「因住教壞細路呀！」

大家係唔係都好想知答案呢~外國知名討論區「Reddit」就有網民，嘗試對呢條題作答：佢將每一個蘋果切成唔同比例，然後每個小朋友就拎3/7個蘋果。

（圖片轉載至外國知名討論區Reddit）

呢個答案係暫時見到最合理嘅，除咗呢個方法之外，唔知大家又有無諗到仲有咩方法可以分呢？