【包皮嵌頓？】日本兒童私處護理小冊子教「雞雞護理操」

照顧小朋友，真係好多嘢都要重頭再學過，其中私處護理，太細緻嘅嘢除非問醫生同上網查，否則可能真係爸媽都唔知！

原來日本好多父母都依賴育兒雜誌或網上資訊，實際上只是一知半解，直到小朋友出現問題時，先去醫院諮詢。日本家庭計劃協會18年前有見及此，就出咗一本相關小冊子《OCHINCHIN》，呢本小冊子讀者群以父母為主，但所涵括嘅資訊，係可以去到初中！所以初中男仔都可以用呢本小冊子去更認識自己身體！

而呢個「雞雞護理操」，其實就係為一啲有包皮嵌頓嘅小朋友而設嘅！呢類小朋友天生包皮開口過緊，因此翻出龜頭時會痛，甚至引起龜頭充血腫脹，而男嬰如果有呢種狀況，可能會造成陰莖腫脹與疼痛，嚴重時甚至有機會染陰莖頭及包皮，甚至出現潰爛情況！呢個「雞雞護理操」，就係畀爸媽們發現呢個問題時，可以有方法為男嬰擴大包皮口徑、處理呢個問題。

泌尿科醫生岩室紳也，即寫呢本書嘅作者，佢亦有係自己網站（按此）上都有提供好多泌尿科資訊，如果有興趣都可以去睇睇。唔識睇日文，大家都可以用google翻譯個網站，大致了解一下！其中包皮嵌頓嘅資訊，佢都有係網站度提及：http://iwamuro.jp/archives/543