【葉偉麟專欄】身教盡在不言中

我看見家長手中的鑽石戒指，借勢問：「如果今晚陳師奶去飲，問你借隻鑽石戒指戴去威番晚你願意嗎？」

「No 啦，我架嘛，咁貴重點借！佢手指咁粗點啱戴！」

「咁假如你開金鋪又會點？」

「吓？⋯⋯叫佢攞D嘢扺押租比佢囉！佢唔還番走佬咪死。」

「咁再假如你有個南非鑽石礦，D鑚石多到用嚟射波子呢？」

「嘩，如果咁跨張，送D比陳師奶都得啦！」

「唔⋯你由一分鐘前唔願意借，到而家送都無所謂，點解？」

「發咗達嘛⋯⋯哈哈哈」

「小孩願意分享與否，並非物質上夠唔夠，反而心態先係重點。」

其實從無到擁有，直至覺得滿足了，係前面一個過程。

再從滿足了到願意分享，已經係往後的狀態了。

「咁點先敎曉小朋友？」

「小朋友不是言教的。」

「咁點樣身教呢？」

「想想，你上一次真正跟別人分享是甚麼事？⋯並不是刻意示範/提醒/表演給孩子看如何才是分享是那件事呢？⋯⋯⋯真心的想想看？那次你感到快樂滿足，還是忐忑不願意？」

良久，家長有所領悟了。

其實我們家長投射出如何的能量，孩子也全部都接收並存放在潛意識之中，身教，盡在不言中。