【人間有愛】被遺棄無四肢B女 美夫婦跨海領養視如己出

但好彩嘅係，美國猶他州一對夫婦在4年前遇到呢名小妹妹後，就決心領養佢返屋企，並付出大量愛心同精力照顧佢。如今Maria已就快4歲，成為一個健康活潑嘅小朋友。

據報導，住在美國嘅Adrianne and Jason Stewart夫婦育有兩名分為14歲同12歲嘅女女，仲有一名同樣來自菲律賓嘅7歲養子。 2014年時，呢對夫婦決定再多加一名家庭成員，意外地接觸到專門收留特殊需求孩童嘅機構。機構人員坦言，其實很少人會願意領養像Maria一樣有特殊身體障礙嘅小朋友，因為照顧起來會十分麻煩。

當時，Adrianne and Jason Stewart夫婦都冇打算要領養有特殊需求嘅小朋友，但當佢哋見到Maria張相之後，就立刻愛上呢個有著美麗笑容嘅小妹妹，妻子提到，佢哋一開始都覺得自己可能冇準備好，屋企又冇必須的設備，“但我知道我們一家會非常愛她，這才是最重要的事情”。於是乎，九個月大嘅Maria就成為了Adrianne and Jason Stewart一家嘅新成員。

呢對夫婦將領養故事發佈在社交平台上，希望激勵更多人幫助有需要的孩子們，故事感人。