【玩勻免費遊戲室】「森林主題」圓洲角體育館

位於馬鐵線第一城站附近的圓洲角體育館，由第一城站B出，步行6分鐘左右就到。留意此路線係無任何「瓦遮頭」，大家記得帶定兩傘以防日曬雨淋啦﹗

圓洲角體育館去年12月先正式啟用，所以地方夠晒新淨！面積有324平方米，主題係「森林」，成個遊戲室都好光猛，多嘢玩得嚟又夠寬敞，畀小朋友放電輕鬆冇難度！

呢間屋仔好受小朋友歡迎㗎！歡迎嚟到佢地嘅安樂窩！

唔知點解「森林」入面會有隻船㗎喎，唔緊要啦，都可以做船長㗎嘛！

仲有呢個應該適合年紀比較細嘅小朋友嘅小設施。

唔少得滑梯，有好多小朋友砌成一條崎嶇嘅路登頂！

睇返360全景，呢度真係又新又大…小朋友可能會玩到唔捨得走呢﹗

圓洲角兒童遊戲室 

主題：森林

面積：324平方米

開放時間：早上8時至晚上9時50分（不包括上午11時25分至12時）

賣點：

1. 去年年底先啟用，不但夠大，而且重係夠新淨！

2. 沙田區第2個康文署室內兒童遊戲室，區內小朋友又多一個地方玩喇！