【讓孩子記錄世界】小眼睛裡的濕地公園

今次魚子醬都帶咗好多精靈一齊去，話要收服晒佢哋入相機！魚子醬自從有新相機後，成日都好興奮想影相，其實最後收服完嘅精靈都係由我袋返去，魚子醬話佢自己已經揹咗比卡超，照顧唔到其他精靈…… (原因: 只有比卡超掛到上膊)。

一去到已經Feel又焗又熱，所以今次主要都係做D靜態活動，嘗試用另一個角度同眼睛去看這個「濕地公園」。對於今日呢個新嘗試，魚子醬都顯得好興奮，不斷利用鏡頭同螢幕去記錄自己睇到的事物。

看來真係好享受，因為平時大人用開的相機又大又重，只係我哋不停對住佢影，今次可以比佢自己試一試，一開始雖然要我係側邊幫手，不過佢好快就上手，仲影得好專注。(睇上圖就知)

紅色的花好靚呀！原來小朋友的高度睇呢個世界係咁嘅，哈哈！好似入咗花叢一樣。

除咗花花草草係魚子醬的拍攝對象之外，當然唔少得有我做佢一日模特兒啦！平時要小朋友的手仔去操作一部大人的相機，並唔係一件容易的事情，但EOS M10 只要小朋友用手指篤一篤個Touch Mon，就輕易對到焦影埋相，簡單的操作，令小朋友影相時就更加有成功感啦。

魚子醬真係大個仔喇，以後就等你做我的御用攝影師！

行到邊幾乎都係咁嘅Pose，不停向上向下移，就好似尋找緊一個好的構圖同一樣有趣的事物，然後將佢影低，真係估唔到小朋友都會喜歡攝影，看來下次可以由佢擔任我哋的攝影師，親手記錄我們這一家的鐵人生活點滴。

雖然今個下晝都搵唔到太陽伯伯的蹤影，但不自覺行下行下都出一身汗，係時候坐低補充下水份同腳力。

不過魚子醬好似唔多覺攰，依舊拎住相機影呀影，到底你有幾愛影相？

而家唔可以騷擾佢，係收服「奇異花」嘅時候啦！咔嚓！隔一陣後笑住同我講成功收服咗佢。

係喎！又真係比你收服咗「奇異花」。

轉個頭蹲咗落地，不停禁禁禁，佢話收服緊一隻新品種！唔好見小朋友蹲低影相好似好高難度，我都只係教過佢一次，就識得點樣利用呢個反mon 去影相。好似呢張收服緊新品種時，魚子醬反起個mon，即刻捕捉到新精靈！

呢個新品種…唔知魚子醬諗到咩名未呢？

終於去到一個終極景點，好多人都會影返張靚相，我哋都唔例外。魚子醬見到一對情侶自拍緊，即刻指住話：「要咁樣。」

當然無問題啦，擺返個奇怪樣即刻篤mon影就得咗！個mon對住自己，就可以睇埋影唔影到自己，同埋影到咩背景啦！

我哋沿住咁行，就到咗觀鳥亭，魚子醬終於捨得放低相機去睇飛來飛去嘅雀鳥。邊睇邊話見到比比鳥，真係？比媽媽睇下係咪比比鳥先，哈哈！今日的活動的確比平時文靜得多，但估唔到反而睇到佢對攝影的興趣。

既然坐低咗，就同魚子醬一齊睇下佢今日的作品！

我哋都睇到好興奮！尤其是當魚子醬講番俾我聽每張相片背後的有趣事，令我了解到佢的諗法真係好窩心。

EOS M10 睇相同用電話一樣，左右咁撥同用手指拉大縮細就可以。真係分分鐘小朋友仲叻過你同我。

魚子醬:「我要比呢個爸爸睇！」

聽到佢咁講，即刻Send 比爸爸都無問題，用Wi-Fi就可以將想Share出去的相片過返落部電話到，咁就可以啦！要即時Upload係好方便。

睇返晒今日魚子醬的作品係開心嘅！

有時候小朋友的世界就係咁得意，你唔知道佢哋會用咩角度去睇呢個世界的事物，更加唔知道係一種視覺去記憶呢一切。小朋友接觸攝影正正是係一個好的啟發，用另一雙眼睛發現平時沒有注意到的事物，而且在魚子醬影相的過程中，我都看到不一樣的佢，比平時更有自信和更專注，所以我都好鼓勵大家可以放膽交部相機俾小朋友，你會發現原來佢地比想像中更有自己的看法和能力呢！

相機的資料可以參考: https://store.canon.com.hk/osp/eos-m10-bundle.html