【玩勻免費遊戲室】「濕地遊蹤」天瑞兒童遊戲室

大家如果由屏山天水圍體育館出發，從坑尾村站上輕鐵，搭4個站去到天端站，落車後5分鐘內已經行到天端體育館喇，十分方便 。

天瑞室內遊戲室地方唔算好大，面積只有110平方米，但每節只限12人（包括家長及小朋友）進場，確保小朋友有充足空間跑動遊玩。

遊戲室以「濕地遊蹤」做主題，所以有唔少有關濕地生態嘅圖畫同公仔喺入面㗎，唔知你哋又搵到幾多呢？

玩完之後仲可以搭15分鐘輕鐵去濕地公園，去個「真・濕地」，了解一下生態，咁呢一日就真係學習與玩樂並重嘞！

大家可以轉吓360全景相片，睇清楚遊戲室環境。

天瑞兒童遊戲室 

主題：濕地遊蹤

面積：110平方米

開放時間：早上8時至晚上8時（不包括下午2時至3時），每節時間25分鐘

賣點：

1. 每節連同家長只接受最多12人進場，小朋友可以在遊戲室內隨處跑動

2. 非常鄰近同區其他兒童遊戲室，小朋友可以玩足全日。

3. 15分鐘輕鐵車程即到濕地公園，小朋友可之後到「真・濕地」體驗大自然！