【超級可愛】喪玩小雲粉紅屎屎滑梯

《龍珠》及《IQ博士》兩套家傳戶曉的經典動畫，其實來自同一位漫畫家鳥山明的手筆，原來小雲更一早於《龍珠》動畫登場，兩位可說是有淵源。

今次MCP新都城中心帶來全港首個聯乘計劃「小雲 x 悟空のMCP夏日祭」，等兩套動畫的主角可以同場與大家見面，小雲及悟空更會互換經典造型，真係經典中之經典！

場內特設多款主題遊戲活動，包括設有3米高之「粉紅屎屎」巨型滑梯，不過滑梯只限3歲以上，高度為80-140厘米的小朋友玩，爸爸媽媽就無得沈浸於可愛的屎屎池中。另外，亦設有打卡首選之筋斗360動態拍攝谷，大家可以坐上筋斗雲與小雲悟空搞鬼合照，即時打卡並分享至社交媒體！

而於場內亦可以見到多個來自兩套動畫的角色同場出現，包括山吹老師、莊子、無限、小吉、則卷千平、龜仙人、八戒、牛奶糖4號，當然唔少得兩位主角小雲及悟空，總之喜歡這兩套動畫的爸媽們一定能重拾兒時看卡通的時光。

另外，主題互動遊戲區可讓顧客與角色互動一番；至於「小雲悟空相遇之時」重溫區，一眾粉絲回味經典情節，並會全港首度披露鳥山先生監修的動畫設定手稿複印本！

小雲與悟空更會互換角色造型，於指定日子現身見面會，而悟空於香港更首次以孩童版亮相，與香港粉絲們作近距離接觸！

另一重點就是Pop Up Store，今次發售多款全港獨家聯乘產品，包括最受歡迎全港限量300個的悟空造型小雲Figure、床上用品、T恤、Cushion等，超靚嘅小雲Figure都係$268一個咋！小編都忍唔到手呀，真心覺得做得靚！

同時，亦推出多款主題甜點，包括卷蛋蛋糕、馬卡龍、雪條等，全部都好吸引呀！

至於今次商場供大家換領的獨家精品亦十分特別，是一件型格龜仙流雨衣及日式便攜小雲悟空A4文件夾，只要消費滿指定金額就可換領，數量有限，先到先得。

日期：7月9日至8月31日

時間：上午10時至晚上10時

地點：MCP新都城中心2期及3期L1天幕廣場

查詢：3194 3200 / 3194 6281