【博士專訪(上)】STEM教學與傳統教學有何分別？

【親子專訪】stem教學與傳統教學有何分別？

日前我們就參與了一個專為基層資優兒童而設的「新地資優科學創意發展計劃」參觀活動，活動中記者有機會看看基層資優小學生如何在參與不同類型的STEM課程中得到訓練及學習。

【親子專訪】stem教學與傳統教學有何分別？

活動中我們訪問了曾任教於香港理工大學機械工程系多年，並於此計劃內負責教基層資優小學生機械工程知識的袁大偉博士，同時為我們分享了教小朋友STEM知識的點滴。

基層出生旨在回饋社會

袁博士喜歡帶玩具上堂，並透過讓學生親身參與各種創意玩具的製作，讓他們掌握及運用STEM新知識。那原本任教大學的他為什麼會有興趣教小學生呢？他稱：「其實我本身都是出生於基層，我細個時都有參加小童群益會的活動，所以今次都算是一種回饋。今次新鴻基贊助小童群益會舉辦呢類活動畀基層小朋友參與，幫助到佢哋成長，我覺得好有意義;所以我都不加考慮全力以付去參與。」

【親子專訪】stem教學與傳統教學有何分別？

「STEM」著重創造性思維

「STEM」教育旨在全力激發兒童在Science、Technology、Engineering及Mathematics（科學、科技、工程、數學）方面發展，當教育局都有意大力推動STEM教學的同時，究竟STEM教學跟傳統教學有何分別？STEM優勢又在哪呢？袁博士指：「其實STEM係從美國提倡出嚟，最主要係佢哋發覺喺Priser能力試上，學生排名越來越低。」「喺21世紀，你可能都聽過創客革命(Maker Revolution)。喺21世紀所需要嘅人才已經唔同，一定要有創造性思維，可以解決問題，仲要落手落腳做，呢樣好重要。」

【親子專訪】stem教學與傳統教學有何分別？

一班參加「新地資優科學創意發展計劃」的小朋友與袁大偉博士一起參觀環貿廣場，了解STEM在建築工程上的應用。

傳統教育創新能力訓練不足

他續說：「你都可能聽過Google CEO講，喺2030年…即刻不久嘅將來，超過百分之五十嘅工作可以被人工智能或機械人取替。咁即係話，今天喺傳統教育果種學習知識、記憶知識同運用知識的方面不重視，喺在創新能力方面唔加強嘅話，喺21世紀嘅價值就會消失。」所以袁博士認為，當（STEM）提倡出來，全世界各地政府都覺得是對的，大家都去推行。