【不做怪獸】家長不應過度熱衷課外活動

必定會有蜜月期

當小朋友好開心咁同父母分享，好想學乜乜物物，如果學到一定會比心機，令到唔少父母都即刻撲住去幫仔女報課外活動！

但當小朋友分清理想與現實，學落原來係咁辛苦，係需要投放時間練習之時，可能好快就失去興趣，所以我地做父母可以不時幫佢地設立可達成目標，延長佢地嘅蜜月期。

錯誤觀念

唔好諗住小朋友一講話對乜有興趣果陣，就幻想會成為佢地一世嘅興趣，興趣係需要發掘同嘗試。小朋友對某事物表現出興趣係好事，但要等到嘗試過後都能保持熱愛先稱得上真興趣。所以一開始唔建議父母馬上投放大量金錢同時間係興趣班上，反而應該比仔女試多d佢地感興趣嘅事，再從中慢慢搵出佢地最有興趣的發展。

注意其他好處

興趣和天賦不是必然的，小朋友喜歡鋼琴不代表他在這方面有天份！

不應操之過急，執著於琴技進步，我們可以把注意分散一些，放在練琴的其他好處上，例如鍛鍊肌肉、手腳協調、情商修養等。

留意異常情況

「中學生應否談戀愛」係每個年代都會討論的話題，而否定的人多數認為會影響成績；同理，尤其年齡比較大的小朋友，過份投入課外活動發展興趣，可能都會出現異常情況，例如過度操勞，成積下滑等。但未完全確認之時，不應一口咬定和課外活動有關，先從其他方向著手，幫小朋友改變問題。

圖片：網絡