【童年崩壞】Elsa公主得返個頭係到轉

要數近年最紅嘅卡通，冰雪奇緣一定榜上有名！試問有邊個女仔唔識Elsa公主同唱Let it go，係動畫入面Elsa公主會施展華麗魔法，對妹妹更加係愛護有加，所以絕對唔難想像會成為小朋友鐘意嘅角色，不過當Elsa公主跳出大銀幕，小朋友對Elsa公主嘅印象會唔會完全破滅呢?

 有日本網市民就係上海買咗呢兩個冰雪奇緣公仔陀螺，面帶笑容嘅公主得返個頭係到轉，真係嚇到個心都離一離！

受害嘅又點止Elsa！比卡超陪伴住唔少人成長，70年代到依家出生嘅小朋友都認識佢！不過正所謂人怕出名豬怕肥，比卡超成名後成日都比人用嚟整埋曬d無厘頭低質玩具，呢款人頭陀螺又點可以無佢呢。

轉果陣仲會發光同「pika pika」咁叫，但感覺就係怪怪地。

好啦辛苦曬比卡超同Elsa公主，你地可以抖下啦，我都知你地暈。但鬼叫你地紅咩，山寨玩具只會越嚟越多花樣！

圖片：ROT_RAG twitter／kimomidori  twitter