【今次發達啦】青蟹升價1500倍 價值$15,000 ?

講到「青蟹」呢個舊版十元紙幣暱稱，眾所周知係因為顏色，以及「青蟹」係一種平價蟹，符合返紙幣面額定位。而係2005年9月起，市民係銀行存入嘅「青蟹」都唔會再流出市面，令「青蟹」數量越來越少，取而代之嘅係我地依家用緊嘅紫色「膠蟹」。

雖然「青蟹」已經唔流通，但唔知咩諗法令到呢位女士覺得「青蟹」係值成萬蚊，此帖係銷售平台一出即刻比大批網民取笑同揶揄，有網民更帖出自己私人珍藏回應，問返樓主收唔收「青蟹」，可以計平佢一萬蚊張咁話。

最搞笑係呢位女士依然覺得「青蟹」有價有市，最後決定退一步比個折頭大家，三張「青蟹」都係賣$5000蚊，咁抵小編望到都差d忍唔住買啊！

不過以小編所知，香港地都有幾張10蚊紙幣係正正真真有價有市，大家快d執下屋睇下有冇啦！

1929年由渣打銀行發行嘅十蚊

1927年至1959年2月間由滙豐銀行發行嘅十蚊，因為Size比較大，所以俗稱「大綿胎」。

圖片：網絡截圖