【對抗霧霾】日本最新隱形口罩

根據香港天文台預測，未來數日將有一股東北季候風補充，使風勢較大及天氣稍涼，環保署預料空氣污染在此之前仍會維持在較高的水平。在空氣污染嚴重嘅日子外出，最好當然是戴口罩「隔一隔」。

大人戴口罩就冇問題，但小朋友就可能非常抗拒戴口罩的焗促感、如果係初生BB就更加唔知點戴。呢個時候，一款隱形口罩或者就可以幫到你喇！今次我哋就喺日本買咗幾款最新嘅隱形口罩返嚟，啱晒而家香港咁污濁嘅空氣時外出用！

隱形口罩其實唔係新產品，好似E.A. Mask咁就好多媽媽都有用過，參考連結：【隱形口罩】日本EA MASK一米內消滅細菌

呢類隱形口罩嘅賣點係佩戴後可在近距離內消滅使用範圍內嘅細菌病毒，原理係內含有ClO₂.可氧化過敏原的蛋白質，亦可酸化針對性的病毒和細菌的蛋白質，有消臭、除煙味、除狐臭、除汗臭、防花粉過敏等功能。

今次介紹呢幾款就以筆形同卡套設計，掛喺心口就可以。呢款拆開包裝會見到一個類似筆套嘅物體。

另有兩個獨立包裝嘅「筆芯」，根據包裝上嘅指示，拆出再好似啪螢光棒咁喺中間啪一下就可以。

然後放返入筆套即可。

唔識日文唔緊要，睇圖就得喇。

放係心口位置就可以發揮佢嘅防菌功效，每個防菌芯使用限期約兩星期。

另一款就以卡片套設計，功能相同，但使用時間較長，有兩個月。

拆開就見到以上配件。

卡片套會釋放可對抗病毒嘅ClO₂.

呢包就係ClO₂.喇！

將佢戴喺身上即可。

呢類隱形口罩都講明適合幼童、人多地方、學校等地方使用，個人認為畀小朋友用時要注意，太細嘅小朋友可能會擺入口！至於呢類口罩係咪真係有用？其實就算我已經用咗幾日，都證明唔到佢嘅防菌成效，因為佢無色無味，掛喺心口又無感覺。但既然用幾十蚊買咗，用下就令自我感覺良好下就算。