【為何深夜總是餓】試食全世界最長嘅薯片

話說最近無論行工展會定「些粉」，都見到有呢款聲稱「可能係世界上最長嘅薯片」，小編身為薯片控當然不會錯過任何食嘅機會，即刻為大家試食其中兩款口味，包括芝士味及煙肉味。

用間尺一度都真係有20CM咁長喎！

打開包裝，你會發現來自歐洲拉脫維亞的薯片呈長方形狀，感覺比較似餅干，而吃落口感都不是超級卜卜脆的薯片，反而較似餅干的質地，似簿脆片般的口感。

至於兩種口味之中，小編個人就比較喜歡煙肉味，鹹香味適中而不會太濃，反而芝士味就略為淡。原來此款長薯片另外還有芥末味及忌廉香蔥味，可以於其他銷售點找到。

$25.9/盒的墨西哥脆片附送埋醬汁，抵呀！

除了長薯片之外，小編還試食了來自希臘的墨西哥脆片，呢款脆片竟然連醬都有埋，配合粟米片一齊進食，風味真的有如在餐廳享用美味墨西哥脆片一樣。現時墨西哥脆片於惠康、千色店及部分零食專門店有售。

今次小編試了牛油果醬及莎莎醬兩款，牛油果醬味道不算太濃，但質地非常厚實，單看已經知道非流料，感覺像是吃了很多牛油果。至於蕃茄莎莎醬則非常香口惹味，食落還有點點辣味，酸中帶辣令人食完一片又一片。個人而言就喜歡蕃茄莎莎醬多啲，另外仲有香濃芝士醬，下次再買來試試先！