【你睇癲噹嚟喇】萌爆！ 夢見屋x癲噹主題餐廳

小編無傻到，真係癲噹唔係叮噹，佢係本地作者貓室的動漫角色，這隻治療系貓咪出名為食，而且充滿正能量，今次專登走去茶房鎌倉夢見屋做店長，好友阿讚就成為廚師。將荃灣愉景新城內的夢見屋變為全港首間獨家主題餐廳，真係超「打耳」的！

為了實現夢想，癲噹膽粗粗走去應徵做店長，相信因著其對食物的熱誠，以及想成為店長個股氣，終於成功做到夢見屋店長，更有本事令到成間餐廳以自己做主題。餐廳由店面裝潢、菜式到餐牌，隨處可見癲噹的可愛蹤影，在門外會率先看到換上日本和服的癲噹歡迎您大駕光臨，家長與孩子看到牠還未來得及尖叫，那邊廂癲噹又以店長造型分身出現，識飲識食的牠手持萌爆搶眼癲噹餐牌，醒您點餐貼士，父母們自然識得揀！

記得留意番，店內外佈置都非常用心，任何一個角落都可以看到癲噹的身影，大家甚至可與坐在座位上的癲噹大公仔來個深情擁抱，同枱用餐，孩子與可愛的貓咪店長一齊食飯，一定會格外開心，食飯一定唔會驚仔女四圍走！

主題餐廳推出多款粉絲必愛的癲噹美食，大家可大啖大啖把牠吃落肚！由丼飯、烏冬、咖喱、芭菲、甜點，仲有兒童餐...貓樣無處不在，款款盞鬼又好味，為大家帶來視覺味覺的雙重驚喜，真係睇到流晒口水呀！爸爸媽媽又係時候Plan下今個星期嘅週末活動啦！

除了用餐及與店內的癲噹店長瘋狂合照之外，店內同時推出特別版夢見屋 X 癲噹餐具禮盒，癲噹萌樣大碗及貓耳盤合併後，可把得意貓頭還原，還有穿浴衣的癲噹店長杯！現凡於夢見屋 X 癲噹主題餐廳惠顧任何食品，可加$148 (Tomato Club會員價為$98)換購一套餐具禮盒；加$68 (Tomato Club會員價為$48)可換購夢見屋 X 癲噹萌樣餐碟。帶牠回家開餐，子女食飯一定好開心！數量有限,售完即止。

「夢見屋 x 癲噹主題餐廳」資料

地址: 荃灣愉景新城商場 1 樓 1028 號舖

營業時間: 11:00am-22:00pm

電話: 2493 2183