【大井川鐵道】Thomas小火車玩足一日

大井川鐵道是位於日本靜岡縣，隸屬於名古屋鐵道集團的私有鐵道，在日本又簡稱為大鐵(だいてつ、Daitetsu)。

大井川鐵道擁有兩條鐵路線，一條是大井川本線，另一條是井川線。其中大井川本線有動態保存的蒸氣機車；井川線是日本現存僅有的Abt式鐵道，因此又稱為「南阿爾卑斯Abt線」。除了鐵路以外，該公司也經營巴士客運服務。

要去坐真‧Thomas蒸汽火車，首先要由大井川鐵道嘅金谷駅搭去新金谷駅。 

而真‧Thomas蒸汽火車就會來回新金谷駅同千頭駅，每日行駛兩個班次。

呢架係Thomas

隔離呢架係James

呢架巴士叫Bus Bertie，係2016年新加入嘅觀光巴士。

Bus Bertie同Thomas蒸汽火車一樣，都係每日開出兩班車。

巴士入面都有好多Thomas架，仲有好多聖誕裝飾添。

但要留意番，真‧Thomas蒸汽火車只會喺聖誕同暑假期間先會有得搭，平時無架！今年聖誕檔期嘅班次已經賣晒架喇！想去嘅話最快要去到出年暑假先有！

咁我哋而家就睇下果度有咩玩先啦！睇完再決定出年去唔去都唔遲呀！

首先睇下新金谷駅有咩玩先啦！佢果度有間超大嘅Thomas限定商品店叫PLAZA LOCO鐵路收藏館，入面有大量Thomas精品。

小朋友見到咁多Thomas肯定會失控。

呢個飲品超靚呀！不過我坐廉航，個喼無位而且佢玻璃樽太重喇，如果唔係我實帶佢返香港架！

呢個我有買，係一個可以吹出火車「嗚嗚聲」嘅bee bee！

呢個係大井川鐵道聖誕限定版Thomas火車仔模型，得大井川鐵道嘅火車站先有得買架，出面無得賣！

仲有大量Thomas食品可以做手信。 

隔離仲有個細細哋嘅火車博物館，呢度就免費入場，都好多嘢睇架！

火車博物館隔離有個專為小朋友而設嘅Thomas遊樂場，入場係免費嘅，但入面有部分遊戲就要收費。

呢個超大嘅Thomas火車路軌玩具係免費任玩嘅，超正！

呢啲可以任坐影下相。

呢啲就要入錢玩嘅。

全部都係Thomas！

呢個都係免費，可以畀小朋友模仿火車燒煤員工將波波倒入火車頭度！

呢度同千頭駅都有呢啲整記念幣嘅機。

有金有銀，200yen起就可以整一個。

喺新金谷駅玩完之後，就可以搭Thomas火車去千頭駅，成程Thomas火車搭大約一個鐘多啲啦，就會去到總站千頭駅！

喺千頭駅睇Thomas火車又有啲唔同Feel。

唔講唔知，操控Thomas火車嘅其實係一個女車長嚟架，隔離就係負責不斷燒煤嘅火車員工喇！

千頭駅都有限定商品店，但種類就無新金谷駅咁多選擇。

千頭駅有咩玩呢？呢度有個Thomas Fair，有小火車坐架，大人同小朋友都可以一齊玩，好得意架！行過少少仲可以睇員工點樣以人力幫Thomas火車頭調頭。

呢度可以畀小朋友同大人一齊玩Mini小火車，小學生以下係免費入場任玩架，成人就要收費，不過都係500yen咋($35左右)。

Thomas碰碰車，係咪好得意？

除咗會行會郁嘅Thomas同James之外，千頭駅仲停泊咗Percy同Hiro火車頭喺度，等大家可以同佢哋合照。

行去另外一邊，可以搭呢架觀光小火車，上車後係企喺度架咋，無位坐架！

呢個係奸角嚟，咁樣停喺呢個位加埋背後嘅耶穌光，我幾喜愛呢幅用iPhone影嘅相。

好喇講到呢度，可能你會話，係幾好玩！但係要去日本喎，其實而家啲廉航咁平，加上日元低水位，一家大細去日本都好抵玩！雖然今年聖誕特別列車已經完咗！錯失今次機會都唔緊要，因為下年6月仲有機會體驗Thomas火車，只係架火車頭無戴聖誕帽啫。

「日本大井川鐵道Thomas & Friends蒸汽火車」乘車證

日期：2016年12月、2017年6月

票價：成人2,720yen；小童1,360yen
詳請：http://oigawa-railway.co.jp/thomas

據過往經驗，車票最少要早3個月網上訂票，官方仲會以抽籤形式售票，每人最多限訂4次，同買iPhone同抽Jordan波鞋差唔多。

如果大家想免費得到Thomas火車嘅乘車證！其實仲有一個機會，Mikiki商場最近咪有好多Thomas聖誕裝飾嘅，原來佢哋仲預留咗10套『日本大井川鐵道Thomas & Friends蒸汽火車』乘車證畀大家，只要到Mikiki Facebook專頁參加小遊戲就有機喺出年暑假展開日本鐵道之旅！

Mikiki送「日本大井川鐵道Thomas & Friends蒸汽火車」乘車證

參加日期：2016年12月6日至2017年1月2日

截止日期：2017年1月2日11:59pm

參加辦法：讀好Mikiki Facebook專頁及跟隨步驟回答問題，答得最有心思的10位參加者就有機會獲得大井川鐵道Thomas主題列車來回乘車證一套(包括兩位成人及一位小童)

詳情查詢：www.facebook.com/mikiki.mall