【試用報告】媽媽小助手之壽司神器

其中一個我買嘅就係呢個，用法好簡單，打開個模先放一半飯包住餡，再放埋另一半飯之後好似瘋狂搖佢！

搖左唔夠30秒個型已經好靚，比平時快好多！不過我睇中佢嘅係包紫紙嘅用法，佢個模上面有條小縫比你攝紫菜！用法都係大同小異，攝入少少塊紫菜之後搖兩搖就得。

同樣都係極速完成，大家一齊睇下效果。

個人認為有少少美中不足就係個紫菜要就返個位去剪返，不過聽其他媽咪分享話市面上有紫菜係啱啱好呢隻Size，如果買埋就應該可以超快完成一份手卷。

相比起手卷神器，呢個反而係媽咪話係必買！整出嚟一粒粒一口飯糰，小朋友易入口！用法同上面個手卷神器一樣都係搖幾搖就搞掂。

我放少少紫菜碎搖一下比大家睇下個效果先，到時大家整比仔女食就當然可以豐富D啦，唔洗得飯同紫菜咁寡。

效果都靚靚仔仔，12蚊抵玩！有時如果想偷懶但又要幫小朋友整便當，佢地就可以大派用場，整個手卷/波波飯5分鍾都唔洗。