親子頭條小編
09 December 2016
【已被解僱】學生遲到 老師逼互摑才可正常上課
事件發生係甘肅河西學院，當晚因學校停電自習取消，而吕老師要求正常補課，學生摸黑行樓梯，遲到咗一分鐘，呂老師就要求每兩學生必須互摑先至可以入課室上堂。
影片：內地網絡
呂老師如果見到同學之間有手下留情嘅情況，更加會要求再打大力d，甚至親自出手！事件曝光後，原來河西學院即將升格為「大學」，校方更明言學生如果唔想拎唔到「大學」文憑，最好就咪瘋傳。
而學校早前都出左通告，指學校係得知掌摑事件後，第一時間進行調查核實。確認情況屬實後，已經安排醫學院領導深入學生宿舍慰問學生，而呂老師都有向同學公開賠禮道歉。
最後學校連夜召開會議，決定解僱呂老師。
資料：河西學院
親子頭條
親子頭條
