【Thomas列陣】史上最多最齊盡在Mikiki

其實Mikiki早前有幾個位已經有部份Thomas火車進駐，而今日開始就會多四十多輛出現，現場更以Thomas置身的索多島為設計，帶來索多島的鐵道世界，最為人熟悉的4米高紅磚火車站、路軌、車棚及風車等都有。

而且除了Thomas & Friends經典系列火車之外，更有多款別注版首度登場，包括恐龍(Dino)、英雄(Heroes)、幽靈(Spooky)、金屬(Metrallic)及冰雪(Chillin')系列，包保小朋友會睇得開心。相信到場家長要幫小朋友影相都影到手軟！

景點逐個捉

田曼福車棚：呢度係Thomas & Friends休息的地方，等佢哋完成一日的工作之後能好好休息充充電，而每輛小火車都有其專屬的位置，有晒佢哋個名架。

索多島風車：風車就係索多島著名景點之一，所以都要帶埋嚟香港畀小朋友「到此一遊」。

高架天橋：Thomas同成班老友記都會喺橋上橋下等大家會照。

聖誕鐵道限定店：火車站入面就係Thomas & Friends pop up store，有超多佢哋嘅貨品賣，主打minis Thomas，而且仲有不同折扣，同埋場內限定獨家發售貨品。

呢套恐龍雪山歷險軌道組合，只限期間限定店發售，仲有特別吸引價錢，由$499減到$299。

又係獨家發售產品 $69.9

超好玩手推波波小火車，期間限定價 $299減到$99。抵！

另外，場內亦有不同位置放了Thomas & Friends小火車，包括競速加油站、夢想螢光站、經典孖寶站及玩樂友好站，呢度加埋都有成廿幾輛小火車，所以記得睇埋先好走呀！

至於到場同Thomas小火車合照的家長及小朋友，都唔好忘記要醫下個肚仔，由即日起至2017年1月2日，場內的兩間餐廳包括Panash Bakery & Cafe 及 Gelare，將會推出Thomas & Friends主題美食，賣相非常吸引，小朋友一定鍾意！

日期：即日起至2017年1月3日

時間：中午12時至晚上9時

地點：新蒲崗太子道東638號Mikiki